Ise Fijilante ni Olorun koko da – Ganzallo - IROYIN AWIKONKO

YAJO-YAJO

Saturday, June 10, 2017

Ise Fijilante ni Olorun koko da – Ganzallo

Bee lo so pe oun gbagbo pe oogun wa

Ganzallo
Oga agba pata fun ajo Fijilante, iye Vigilante Service of Ogun State, VSO, Ogbeni Soji Ganzallo ti so pe ise Fijilante ni Olorun koko da nigba ti Olorun da awon eeyan sinu ogba Edeni, iyen Adamu ati Efa lati maa so ogba naa.

Ganzallo soro yi lojo Aje Monde lakoko to n b’AWIKONKO soro ni ofiisi e to wa ni Oke Ilewo, Abeokuta nibi to ti so awon aseyori e laarin odun kan to wa gege bi Komanda ajo naa nipinle Ogun.

O so pe laarin odun toun de ipo naa, opolopo nnkan loun ti yi pada bii iwuwasi awon osise won pelu ofin to de won, nitori pe nnkan to wu won ni won n se tele, o lawon ti fofin de gbogbo lori bi won se gbodo se.

O ni oore-koore lawon n se idanilekoo fawon osise won nipa imura won, tori pe opo won ni kii fo aso won tele, to je pe eekan lose tabi ose meji ni elomin in maa n foso e, sugbon iyen ko ri bee mo bayii.

Gazallo lawon ti gba awon eeyan repete sidi ise naa, ti won si n gbowo osu won bo ti to ati bo se ye, sugbon kii se awon ti ko loye, o ni kawon ti won n fidi remi leyin iwe mewaa won ma ro pe awon le bawon sise nitori pe awon ko nii gba won, o niwe eri iwe mewaa won gbodo yanranti.

Bee lo lawon ti da ileewe Fijilante sile, ti a pe ni Vijilante Academy to wa nilu Ilaro nibi ti won ti n ko awon eeyan leko. Ijoba ipinle Ogun lo si fun won nibi ti won n lo, ti won si fun won lawon nnkan to ye ki won ni, eyi to n mu ise rorun fun won.

Nigba to n soro lori awon ipenija, o ni aini to owo nisoro tawon n koju nitori pe opo nkan lo ye kawon se, sugbon tawon ko lese nitori owo ti ko si. Ninu oro e, “Ipenija ti a ni ni ti aini owo to to, eyi to n ba gbogbo awon ijoba wa finra. Awon nkan to ye ka ri gba lati owo ijoba lati fi se awon nnkan ti a fee se.

“Aini owo ni ko je ki a le e awon nnkan min in. Ti e ba wo gbogbo awon oko wa ti a n lo, ti a n pe ni patrol vehicle yi lawon oko ti a ti gba lati odun 2011, to je pe won ti gbo, won ti denu kole. Ara ipenija ti a ni niyen, sugbon a tiraka lati tun won se, won ti pada senu ise, eyi naa tun je lara awon aseyori ti mi o ranti menuba. Ipenija nla to daju ni ti ainito owo.”

Fun awon to ba mo, ojo kejila osu karun to koja yi ni Soji Ganzallo pe odun kan lori ipo gege bi State Commander ajo VSO. Ogun State Agricultural Development Programme ti a mo si OGADEP lo ti bere ise ijoba nibi to ti kuro lo ko eko nipa ise eto aabo nilu Oyinbo, ko too pada wa pelu da ajo Fijilante sile lodun 2011 nibi to ti je alukoro lodun naa.

No comments:

Post a Comment

PIN-IN KAAKIRI