Leyin odun kan; Redio FUNAAB 89.5FM ti fee gori afefe o - IROYIN AWIKONKO

YAJO-YAJO

Friday, June 30, 2017

Leyin odun kan; Redio FUNAAB 89.5FM ti fee gori afefe o

Iroyin tuntun to n lo kaakiri igboro bayi ni ti ileese redio tuntun ti won tun sese da sile nilu Abeokuta, iyen redio to je ti ileeko fasiti ogbin, Federal University of Agriculture, eyi ti won pe ni FUBAAN Radio 89.5FM.5.

Enikuomehin
Gbogbo eto lo si ti to tan bayii, ti redio naa yoo bere ise ni pereu nitori pe opolopo milionu ni won fi ko ileese redio naa to wa ninu ogba ileeko FUNAAB, ti awon igbimo atawon osise ileese redio naa se jo sowo po lati gbe redio naa kale.

Gege bi AWIKONKO se gbo, awon irinse kan ti won pe ni “Complete Digital Studio” ni won ko wa sibe lati ileese Clyde Broadcast Products Limited to wa nilu Glasgow, United Kingdom. Eyi lo si fee je ki ileese redio naa yato gedengbe laarin awon fasiti metadinlogun to nileese redio ti won.

Bo tile je pe ori ayelujara ni redio naa wa tele, tawon eeyan ti n je igbadun e lagbaye, sugbon ni bayii, eto ti pari lati bere ise lori afefe.

Nigba to n soro lori awon ohun elo ti won fe maa fi sise, ti won ti ko wole, alabojuto ileese redio naa, Ogbeni Ayo Arowojolu so pe inu osu karun odun to koja ni redio naa bere lori ero ayelujara to je pe kaakiri agbaye ni won ti n gbo.

O so pe laarin igba naa si asiko yi, awon to n teti si redio naa lojoojumo le ni egberun kan, ti won si n das awon eto ti won n gbe jade sita. O ni akosile tawon se nipa awon to n gbo redio naa je ko di mimo pe yato si orileede Naijiria, awon orileede bii United Kingdom, United States, Canada, Qatar ati Belgium ni won ti n gbo.

Arowojolu so pe ipa tawon akekoo n ko nileese redio naa ko se e ko kere nitori pe awon ko je ki awon naa owo to po fun ise ojoojumo ti won n se, o ni anfaani lo tun je fawon akekoo to ba wu lati maa soro lori afefe.

Bee lo so pe ipa ti redio naa yoo ko laye awon akekoo atawon eeyan nilu Abeokuta ati agbegbe e kii se kekere tori pe ise iwadii lawon yoo maa tun fi redio naa se, tawon eeyan yoo si ma kekoo nibe.

Ayo Arowojolu
Nigba to n so pe ise ko nii duro lati je ki redio naa figagbaga laarin awon ileese redio to wa nilu Abeokuta. Owa lo akoko naa lati dupe lowo Adele Giwa ileeko naa, Ojogbon Ololade Enikuomehin fun ti ipa ribiribi to n ko lati je ki ala awon wa si imuse.

Bee lo so pe opo aaye ni won ti ya soto ninu gbogan ile igbimo fasiti naa fun redio naa, ki ise won le tubo rorun, ti won si tun ti fi iwe ranse sawon igbimo lati tubo fowosowopo pelu won.

AWIKONKO gbo pe ki won too ko awon irinse ileese redio de lati oke okun ni won ti yan awon igbimo ti yoo maa sakoso ileese redio naa, lara won si ni, Ojogbon Victor Olowe AMREC gege bi alaga; Ojogbon Kolawole Adebayo; Ojogbon Helen Bodunde; Ojogbon Eniola Fabusoro.

Awon min in tun ni Ojogbon Biodun Badmus; Arabinrin Emi’ Alawode; Arabinrin Atinuke Adiyeloja; Ogbeni Ayo Arowojolu ati Arabinrin Adeola Oke.

No comments:

Post a Comment

PIN-IN KAAKIRI