Ore meta to n fise moto lu jibiti ti ha o - IROYIN AWIKONKO

YAJO-YAJO

Monday, November 13, 2017

Ore meta to n fise moto lu jibiti ti ha o


Won ni ojo gbogbo ni ti ole, ojo kan soso ni ti olohun, eyi lo nibamu pelu bowo olopaa ZIS, iyen Zonal Intervention Squad to wa niluu Abeokuta nipinle Ogun State se te awon ore meta kan ni won so pe won ko nise meji ju ki won fi moto lu awon araalu nijibi owo atawon nkan min in.

Seun Ademosu, Segun Akinde ati Kayode Sokunbi la gbo pe asiri won tu lagbegbe Itori nijoba ibile Ewekoro lawon eeyan naa ti won so pe won lu obinrin kan, Kehinde Oluwaferanmi ni jibiti egberun lona ogorun naira, ti won si fogbon le e bo sile ninu moto lojo kejila osu to koja.

Gege b'AWIKONKO se gbo, won ni se ni se lawon meteeta naa n fi moto won sise buruku naa, ti won a si dogbon bii pe won ko mo ara won ri nigba ti won ba gbe eni ti ba fe e lu ni jibiti, igba ti won ba sise ibi naa tan ni won maa dogbon bii eni pe moto baje, tabi wi pe ilekun mu eni kan lowo, ti won a si fibinu le eni ti won ba ti sise ibi naa lara bo sile.

Bayii ni won se fun Kehinde lojo naa, to je pe leyin ti won lo tan loun naa too fura wi pe won ti pa idan lara oun, ko too gba tesan olopaa ZIS lo lati loo fi to won leti.

Lojo naa la gbo pe owo te Segun ati Kayode, ti won si jewo pe Seun gangan ni olori won, sugbon to ti na papa bora, tawon olopaa naa ko si da ise duro lati rii mu.

Nigba ti won lori maa tako Seun, okan lara awon onisowo simenti la gbo pe o tun lu ni jibiti owo to to milionu kan aabo (1.4) naira, eni ti won so pe Ifo lo n ti n bo, to fe e lo san owo si Banki kan l'Ewekoro.

AWIKONKO gbo pe nigba ti won de agbegbe kan ti won pe ni Abule Oko ni won tun dogbon wi pe ilekun mu eni kan lowo tawon ti won jo n sise naa si so fun awako, iyen Seun wi pe ko duro.

Bi Seun se paaki moto e segbe kan, ti won n se bi eni to fe e bo sile, ni won ba ja baagi obinrin naa gba, ti won tii bo sile ninu moto, ti won si salo.

Leyin ojo keta la gbo pe obinrin naa too tun pada foju kan Seun lakoko to tun n gbiyanju lati sise buruku naa pelu awon ti won jo n se e, to si pariwo le e lori, ko too di pe awon to wa nibe muu.

Iyalenu lo je pe bi won se n mu Seun wo tesan olopaa lawon ore e meji towo ti koko te pariwo e pe olori won gangan to salo niyen.

Ohun ta a gbo pe o je kayeefi ni bi Seun, eni odun mejidinlogbon (28) se so pe oun ko mo nkankan nipa esun ti won fi kan oun, nitori pe tori koun ma baa jale loun se n fi moto naa sise.

O so pe awon osise ijoba kan ni won pe oun gege bi awako lati gbe won loo sibi ti won ti fe e mu awon odaran kan, nibi ti won ti mu Segun ati Kayode, ti won si gbe won lo si tesan olopaa.

Gbogbo oro ti Seun so kale wi pe ko si nkan toun ko le fi bura ni Segun ati Kayode n so pe awijare ti ko lese nile lasan lo n so nitori pe kii se emeeji otooto lawon ti jo sise yi papo, tawon si gba owo gidi nibe.

Ni bayii, igbakeji oga agba olopaa Zone 2 to wa nilu Abeokuta, Ogbeni Adamu Ibrahim so pe dandan ni kawon foju won bale ejo leyin tawon ba pari ise iwadii won, nitori pe won ko sese maa sise buruku naa, ati pe iru won si po kaakiri be e.

No comments:

Post a Comment

PIN-IN KAAKIRI