LAARIN OBASANJO ATI AWIKONKO? - IROYIN AWIKONKO

YAJO-YAJO

Monday, November 19, 2018

LAARIN OBASANJO ATI AWIKONKO?

Eyi ni lati fi to gbogbo awon eeyan, paapaa awon ololufe e iwe iroyin AWIKONKO leti pe kii se iwe iroyin wa ni Oloye Olusegun Obasanjo pe l’ejo o, enikan ti a jo n lo oruko ni Aare teleri lorileede yi pe l’ejo latari oro to gbe sori ero ayelujara e.


Lai pe yi ni Ogbeni kan to n pe ara e ni ‘Akanda Oro Awikonko’, eni ti won pe ni oniroyin ati sorosoro, to maa n gbe orisirisi oro lati tabuku ijoba tabi awon eeyan sita, iyen lori redio e to n se lori ero ayelujara gbe oro jade sita pe Oloye Olusegun Obasanjo lowo ninu awon to pa Oloogbe Bola Ige to je gbajumo agbejoro nigba aye e.

Ohun ti okunrin ti enikeni ko tii mo d’asiko yi so ni pe Oloye Olusegun Obasanjo lo je igi leyin ogba fawon to pa Bola Ige.

Looto, opo awon to n je AWIKONKO po lorileede Naijiria, paapaa nile Yoruba, sugbon ileese ti wa kii se ileese tawon eeyan ko mo awon oniroyin e, paapaa awon oludari e, Ileese wa foruko sile lodo ajo to n foruko sile, iyen Corporate Affairs Commission (CAC) lorileede yi.

Oloye Obasanjo lo fesun kan okunrin to pe ara re ni Akanda Oro Awikonko pe o gbe ayederu iroyin sori ero ayelujara lati fi ba oun loruko je kaakiri agbaye, idi ni yii ti agbejoro Baba Obasanjo fi n beere fun owo ti ko din ni bilionu kan naira, gege bi owo itanran ati ibaniloruko je. 

Ileese AWIKONKO MEDIA CHANNEL (RC: 2745139) lo n gbe IROYIN AWIKONKO jade, awa kii sii se redio ori ero ayelujara, bi ko se nipa kiko iroyin nikan la wa fun.

Awa kii gbe ayederu iroyin jade sita, opo awon ololufe e wa ti won n ka iroyin wa, ni won n kan saara si wa. Fun idi eyi, paapaa awon to ti n pe wa lori foonu lotun-losi lati beere pe ki lo pa awa ati Oloye Obasanjo po, kii se awa ni Oloye Obasanjo pe lejo.

Fun alaye lati mo eni ti Obasanjo gbe lo si kootu, e loo sewadi okunrin naa lori www.akandaoroawikonko.com.ng.

PIN-IN KAAKIRI