Bo tilẹ jẹ pe nitori owo ati gbajumọ ni pupọ ninu wọn fi
n ṣe tiata, ṣugbọn awọn kan wa ninu wọn to jẹ pe lati maa fi pa ironu rẹ, tabi
lati maa fi mu inu ara wọn dun ni gbogbo igba, paapaa lati sunmọn ọn awọn eeyan
pataki lo mu ki wọn maa ṣe e.
Eyi ni diẹ lara awọn oṣere, paapaa oṣere-binrin ti wọn ko
nilo lati da ara wọn laamu ki wọn to o le ri owo jẹun.
DAKORE EGBUSON
AKANDE
Odu ni Dakore Egbuson Akande, kii ṣaimọ foloko lagbo awọn
oṣere tiata, paapaa ti Nollywood. Bo ṣe rẹwa lọmọbinrin naa lo tun ni agbekalẹ
gidi nidi iṣẹ naa, tawọn ololufẹ ẹ si n gba ti ẹ, ti wọn tun n kan saara si i
lojoojumọ.
Lọdun 2011 ni Dakore Egbuson Akande ṣe igbeyawo alarinrin
pẹlu ọkọ ẹ, Olumide Akande, ọjọ naa larinrin debi i pe gbogbo agbaye lo gbọ
nipa ẹ, to si mu ki ẹsẹ ma fi bẹẹ gba ero ninu gbọngan ti wọn lo.
Bi ẹ ko ba mọ, Olumide Akande jẹ akọbi ọkan lara awọn gbajumọ
olowo lorileede yi, ẹni to tun ti wa nipo akọkọ ri i gẹgẹ bi ẹni to lowo julọ
ni Naijria, Oloye Harry Akande.
CAROLINE
DANJUMA
Ṣe lọrọ fẹẹ le di ariyanjiyan nigba ti gbajumọ
oṣere-binrin yi, Caroline Danjuma darapọ mọ ẹgbẹ awọn oṣere lorileede yi, iyẹn
Nollywood. Bawọn kan ṣe n sọ pe kii ṣe ọmọ Naijiria, bẹẹ lawọn kan n sọ pe ọmọ
orileede Spain ni.
Ko si ojumọ kan ki ẹ ma ri Caroline ninu sinima nigba
naa, ṣugbọn nnkan to jẹ kayeefi lasiko kan ni bi ko ṣe sẹni to ri Caroline mọ
ninu sinima, tawọn eeyan si n beere pe nibo lo lọ, ko to o di pe awọn eeyan
ṣẹṣẹ gbọ pe o ti ṣegbeyawo.
Odu ni Jẹnẹra Theophilus Danjuma, kii ṣaimọ foloko
lagbaye, orukọ ẹ si rinlẹ kaakiri daadaa, ọkan lara awọn aburo Jẹnẹra
Theophilus Danjuma ni Caroline fẹẹ, iyẹn Ọgbẹni Musa Danjuma to jẹ gbajugbaja
olokoowo.
Ọdun 2007 ni Musa Danjuma ṣegbeyawo alarinrin pẹlu
Caroline. Ṣugbọn nnkan to fẹ ẹ banujẹ diẹ ni pe igbeyawo naa ko pẹ rara to fi
tuka, bo tilẹ jẹ pe ọmọ mẹta nigbeyawo naa bi fun wọn.
ỌMỌTỌLA
JỌLAADE-EKEINDE
Bi wọn ba n sọ nipa awọn oṣere-binrin to gbajumọ daadaa,
tawọn eeyan si n bọwọ fun gidigidi, bi wọn ko ba mu Ọmọtọla gẹgẹ ni ẹni akọkọ,
wọn yoo mu gẹgẹ bi ẹnikeji. Oun si lobinrin to ni igbeyawo to pẹ ju laarin awọn
obinrin, nitori pe o mọ nnkan ti ọkunrin n fẹẹ.
Bawọn ileeṣẹ ṣe n mu gẹgẹ bi aṣoju wọn, bee lawọn
obinrin, paapaa awọn oṣere-binrin naa tun n wo gẹgẹ bi awokọṣẹ. Ko sẹni to le
gbagbe bi Ọmọtọla ṣe ṣegbeyawo, nitori pe o ṣi kere jọjọ nigba naa.
Gbajumọ Balogun ori omi ni ọkọ ti Ọmọtọla fẹ, ẹni naa si
ni Balogun (Captain) mathew Ekeinde, Ọmọtọla si wa ni ipẹẹrẹ (teenager) nigba
to ṣegbeyawo, ko si tii siru igbeyawo naa lati ọdun 2001 nitori pe inu ọkọ
baaluu ni wọn ti ṣe e, lori ofurufu si ni.
Ilu Eko ni wọn ti gbera lọ silu Abuja nigba naa. Ko sẹni
ti ko mọ pe olowo jaburata lawọn to ba jẹ balogun ori omi, ti ọkọ Ọmọtọla ko si
yatọ ninu awọn to lowo julọ.
ZAINBA BALOGUN
Ko sọrọ ta a fẹ ẹ fi pọn Zainab le, bo ṣe rẹwa, naa lo
jafafa, to tun gboju-gboya, to si mọ nnkan to n ṣe, paapaa laarin awọn ẹlegbẹ ẹ
lagbo oṣere. Gbajumọ ni Zainab, paapaa nigba to maa kọkọ foju han ninu orin
Naeto C lọdun diẹ sẹyin.
Orin naa la fẹ ẹ le sọ pe o di ilu mọn ọn ka, paapaa
nigba to tun di gbajugbaja ṣorọsọrọ tawọn eeyan n fẹẹ ri i.
Bo tilẹ jẹ pe pupọ ninu awọn obinrin ni wọn ma n fẹẹ fi
orekunrin wọn han fawọn eeyan, ṣugbọn ti Zainab ko ri bẹẹ, ayafi nigba to di pe
o ṣegbeyawo pẹlu gbajumo oniṣowo aladani nni, Dikko Nwachukwu.
Nigba to ṣegbeyawo, o fẹẹ le jẹ pe gbogbo awọn ara
agboole oṣere tiata ni wọn peju sibẹ lọjọ naa, nitori pe ọjọ manigbagbe ni.
Dikko Nwachukwu tun jẹ oniṣowo to ni iṣẹ to tun n ṣe leka
ọkọ ofurufu, to si tun gba iwe aṣẹ lati da ileeṣẹ ọkọ ofurufu ti ẹ silẹ. Dikko
ti fẹ iyawo kan tẹlẹ ko too pade Zainab, ṣugbọn iku lo mu obinrin naa lọ.
MARY REMMY
NJOKU
Bi ẹ ba sọ pe ọkan lara awọn agba oṣere tiata ni Mary
Njoku, ẹ ko jayo pa. Ọdun 2000 lo ti wa nidi iṣẹ tiata, bi wọn ko ti ẹ ma a ka
a mọ awọn akọkọ (A-lister).
Ọpọ awọn eeyan lo le ma mọ, ṣugbọn Mary Njoku jẹ iyawo
gbajumọ Jason Njoku to ni ileeṣẹ tẹfisan Iroko, iyẹn Iroko TV.
No comments:
Post a Comment