BI MO ṢE PADANU KII ṢOJU LASAN, O LỌWỌ OṢELU NINU - SARAKI PARIWO SITA - IROYIN AWIKONKO

IROYIN YAJO-YAJO

AJỌ DAWN

AJỌ DAWN

Tuesday, February 26, 2019

BI MO ṢE PADANU KII ṢOJU LASAN, O LỌWỌ OṢELU NINU - SARAKI PARIWO SITA

Olori ile igbimọ aṣofin agba lorileede Naijiria, Sẹnetọ Bukọla Saraki ti jẹ ko di mimọ pe pipadanu toun padanu kii ṣoju lasan, o lọwọ oṣelu ninu, ati pe kudiẹ-kudiẹ to wa lati ọdọ ajọ eleto idibo ko ṣẹyin boun ṣe padanu ibo to waye kọja yi.

Bakan naa lo tun ṣalaye awọn idi ti oun atawọn oludije ẹgbẹ oṣelu PDP nipinlẹ Kwara ṣe fidirẹmi, ninu eto idibo apapọ to waye lọjọ Satide.

Saraki sọ eyi di mimọ ninu atẹjade kan to fi sita, to fi ki awọn to gbe'gba oroke nibi eto idibo naa ku oriire.

Saraki ni, bi o tilẹ jẹ wi pe alaafia jọba lasiko idibo naa, sibẹ aikun oju oṣuwọn awọn ẹrọ ayẹkaadi idibo wo, titẹka kọja iye ibo to yẹ atawọn iwa aitọ miran kaakiri awọn ibudo idibo ni ipinlẹ naa, kun ohun to faa ijakulẹ ẹgbẹ oṣelu PDP nipinlẹ Kwara.

Dokita Saraki ni, oun ki gbogbo awọn ti INEC kede gẹgẹ bii olubori ku oriire ṣugbọn ẹgbẹ oṣelu oun yoo gbe igbesẹ to ba tọ, nigba to ba ya lori awọn kudiẹkudiẹ naa.

"Gẹgẹ bii ẹni to wa lati inu ẹbi ati eto oṣelu to gbilẹ lati ibẹrẹ pẹpẹ ninu iṣiṣẹ sin araalu ati idagbasoke awọn eniyan rẹ, ireti mi ni pe awọn eeyan wa yoo maa ri ere pipe ni igba gbogbo.

Ohun to ṣẹlẹ yii yoo tilẹ tun fun awọn eeyan lanfani ati gbe ẹgbẹ mejeeji si ẹgbẹ ara wọn fun ayẹwo ati afiwe. Ju gbogbo rẹ lọ awọn to bori ni idibo satide kii ṣe ọta mi. ọmọ ipinlẹ Kwara kan naa bii temi ni wọn jẹ."

Ibrahim Oloriẹgbẹ lo gbẹyẹ mọ Saraki lọwọ ninu idije fun ijoko aṣofin agba, fun ẹkun idibo guusu ipinlẹ Kwara.

PIN-IN KAAKIRI