ILU IBADAN FẸẸ GBA'WỌN ALEJO NLA-NLA L'ỌJỌ SANDE, ESE KO NII GB'ERO - IROYIN AWIKONKO

YAJO-YAJO

Saturday, August 17, 2019

ILU IBADAN FẸẸ GBA'WỌN ALEJO NLA-NLA L'ỌJỌ SANDE, ESE KO NII GB'ERO

Gbogbo eto lo ti to bayii fun fun ilu Ibadan lati gbawọn alejo nla-nla nibi ti awọn ẹbi Adeṣigbin ti maa ṣe akanṣe adura Fidau fun Mama wọn, Alaaja Afusat Adukẹ Adeṣigbin lẹyin ọdun kan to d'oloogbe.

Ninu atẹjade to tẹ AWIKONKO lọwọ lonii ni wọn ti fidi ẹ mulẹ wi pe, lati awọn iluu bii London, Italy, Ireland; Amẹrika atawọn orilẹ-ede nla min-in kaakiri agbaye lawọn eeyan ti maa wa, bẹẹ lawọn to wa ni Naijiria naa ko ni i gbẹyin nibẹ rara.

Gbọngan nla ti ile ẹkọ girama Lagelu, iyẹn Grammar School lagbegbe Lagelu Agugu n’Ibadan ni eto pataki yii yoo ti waye, bẹrẹ lati aago mẹwaa aarọ si mẹrin irọlẹ nibi ti awọn Aafa nla-nla yoo ti peju-pesẹ lati ṣadura fun Oloogbe ọhun.

Bẹẹ gẹgẹ ni itọju awọn alejo yoo waye pẹluu ni gbagede ọhun.

Ninu ọrọ ọkan lara awọn ọmọ Oloogbe yii, Ọgbẹni Ademọla Adeṣigbin lo ti ṣapejuwe Mama naa gẹgẹ bi i abiyamọ toootọ, to gbiyanju lati tọ awọn ọmọ ẹ daadaa ki wọn le ni ọjọ ọla to dara.

O ni, “Gẹgẹ bi igbagbọ awa Musulumi, ohun kan ti a le maa ṣe fun awọn oku ọrun wa naa ni iranti wọn pẹlu adura ati itọre aanu lorukọ wọn. Iya wa ṣe daadaa pupọ, ẹni ti a ko si le gbagbe laelae ni, ki Ọlọrun tubọ ba wa fi alijanna onidẹra kẹ wọn.”

Lara awọn ọmọ to gbẹyin Mama naa niwọnyi; Ismail Ademọla Adeṣigbin; Mọrufat, Musbaudeen, Mọruf, Lateefah; Mọrufat, Idowu, Mutiu Ishọla atawọn ẹbi; ara, ọmọ-ọmọ ati bẹẹ bẹẹ lọ.

 Kaakiri lawọn ololufe Alaaji Sikiru Ayinde Barrister, iyẹn awọn ọmọ ẹgbẹ Barybration Association kaakiri agbaye, eyi ti Ademọla Adeṣigbin jẹ baba ẹgbẹ fun yoo ti wa.

No comments:

Post a Comment

PIN-IN KAAKIRI