ẸKUNRẸRẸ BI ỌJA BALOGUN ṢE JONA L'EKOO RE E - IROYIN AWIKONKO

LÉRÉFÈÉ


Thursday, January 30, 2020

ẸKUNRẸRẸ BI ỌJA BALOGUN ṢE JONA L'EKOO RE E

Titi d'asiko ti a ṣ'akojọpọ iroyin yii tan l'awọn ara ọja Balogun to gbajumọ daadaa n'ilu Eko ṣi n banujẹ lori bi ina nla kan ṣe jo gbogbo ẹru wọn, to si sọ ọpọ wọn si kolobo aye.

Ko din ni ile meje ti wọn jona di eeru, ti meji lara awọn ile naa si wo lulẹ lasiko ti ọja naa to wa l'adugbo Martins ati Sunny Adewale l'agbegbe Lagos Island n jona lọwọ ati lẹyin to jona tan.
Image 
AWIKONKO gbọ pe ile alaja mẹrin kan ti wọn pe nọmba ẹ ni 35/37 to wa l'adugbo Martins ni ina naa ti bẹrẹ ni nnkan bi aago mẹjọ aabọ aarọ anaa Ọjọru Wẹsidee.
Bẹ o ba gbagbe, ọjọ karun-un oṣu kejila ọdun to kọja ni ọja yii jona, to si fi ọpọ dukia ṣofo danu.
Image may contain: one or more people, crowd and outdoor 
A gbọ pe ọkan lara awọn to n ta'ja ninu ile naa lo tan ẹrọ jẹnẹretọ, ti jẹnẹretọ naa si ti n ṣiṣẹ lọ. Ko pẹ la gbọ pe awọn ni jẹnẹretọ naa lọ ra epo bẹntiroolu lati fi si i. Ibi to ti n da bẹntiroolu naa si lọwọ lo ti gbana l'ojiji.
Bo tilẹ jẹ pe ere ni wọn kọkọ pe e n'igba ti ina naa bẹrẹ si i jo, ṣugbọn ti wọn ranṣẹ pe awọn oṣiṣẹ ileeṣẹ panapana l'oju ẹsẹ, ti wọn si ni ko pẹ t'awọn yẹn naa fi de.
 
Ohun ti wọn loo fa a ti ina naa fi jo gbogbo awọn ṣọọbu yii ni pe bi ina naa ṣe jo l'awọn ọlọja at'awọn ero ti pe sibẹ lati woran, t'awọn mi-in si n ya fọto, awọn ero yii la gbọ pe wọn ko tete fun awọn oṣiṣẹ ileeṣẹ panapana laaye lati r'ibi kọja lọ s'ibi ti ina ti n jo.
Eyi gan la gbọ pe o jẹ ki ina naa tubọ ran s'awọn ile to ku l'agbegbe yii, to si fi awọn dukia ti ko din ni ọgọrun miliọnu ṣofo danu.
Image 
Bo tilẹ jẹ pe ko s'ẹni to ku sinu ijamba ina naa, ṣugbọn ta a gbọ pe ko si ẹru kan ṣoṣo t'awọn eeyan mu jade ninu ṣọọbu ati ile wọn to jona.
Ọga agba ileeṣẹ to n ri si iṣẹlẹ pajawiri nilu Eko, iyẹn Lagos State Emergency Management Agency, Ọmọwe Olufẹmi Ọkẹ-Ọsanyintolu sọ pe nnkan bi aago mẹwaa aarọ anaa l'awọn eeyan ranṣẹ pe ileeṣẹ wọn, to si jẹ pe loju ẹsẹ l'awọn ti debẹ.
Image may contain: one or more people
Ọkẹ-Ọsanyintolu lo jẹ ko ye wa pe ẹni to ni ṣọọbu ti ina naa ti bẹrẹ tun ko awọn kẹẹgi bẹntiroolu sinu ṣọọbu, eyi gan an lo tubọ jẹ ki iṣẹlẹ naa kọja sisọ, to si gb'awọn eeyan lamọnran wipeki wọn sọra fun bẹntiroolu lasiko yii, paapaa ina ijọba t'awọn eeyan n tan silẹ ki wọn too jade nile wọn.

No comments:

Post a Comment

PÍN-IN KÁÀKIRI