Ẹ ṣàámú mi, àwọn èèyàn mi ni mò n jà fún, mi ò bá ìjọba Buhari jà - Ìgbòho sọ̀rọ̀ lọ́jọ́ ọdún - IROYIN AWIKONKO

LÉRÉFÈÉ



Saturday, January 1, 2022

Ẹ ṣàámú mi, àwọn èèyàn mi ni mò n jà fún, mi ò bá ìjọba Buhari jà - Ìgbòho sọ̀rọ̀ lọ́jọ́ ọdún


Olori ajijangbara ilẹ Yoruba, Oloye Sunday Adeyẹmọ Igboho ti sọ pe oun ko ni ija kankan pẹlu Aarẹ Muhammadu Buhari ati gbogbo awọn gomina mẹfa to wa nilẹ Yoruba.

O sọ pe ija awọn ọmọ ilẹ Yoruba ti awọn Fulani darandaran n fojoojumọ pa danu bi ẹni pa eṣinṣin loun n gbe, eyi toun fi n pe fun idasilẹ orileede Oduduwa.

Ninu ọrọ rẹ fun ọdun 2022 ti a wa yii ni Igboho ti sọrọ naa, to si ni ki Aarẹ Muhammadu Buhari wa ọna abayọ ati ojutuu si iṣoro to n koju awọn ọmọ Yoruba lati ọdọ awọn Fulani darandaran.

Igboho tẹsiwaju pe ko si nnkan meji to bi ifẹhonuhan idasilẹ orileede Oduduwa, to kọja wahala tawọn ọmọ Yoruba n koju lati ọdọ awọn Fulani darandaran, paapaa awọn agbẹ.

O tun jẹ ko di mimọ pe gbogbo ọmọ orileede yii lo nilo eto aabo to peye lai fi ti ọrọ ẹlamẹya, ẹsin tabi ọrọ oṣelu ṣe.

No comments:

Post a Comment



PÍN-IN KÁÀKIRI