Ori Oke African Church fee sayeye odun mewaa - IROYIN AWIKONKO

YAJO-YAJO

Saturday, January 21, 2017

Ori Oke African Church fee sayeye odun mewaa

Baba Ori-Oke
Soosi kan to wa nilu Abeokuta tawon eeyan n royin bi Olorun se n sise ara ati ise iyanu, lori bawon to ba nisoro ti n gba itusile, tawon to wa ninu ide naa si n ri idannde won lesekese ti fee sayeye odun mewaa bayii.

Ijo naa, iyen The African Church Solution Camp Ground to wa ni adugbo Sam Ewang, Leme nilu Abeokuta tii se olu-ilu ipinle Ogun, ti Wooli Olatunji Jeremiah Okunlola topo mo si Baba Ori-Oke ati Baba Ire-Owuro je alakoso e ni ijo ti a n soro nipa e.

Nibi ipago odun to koja
Gege bi enikan to gbe oro naa si AWIKONKO leti se so, ose kan gbako ni won fee fi se, ojo Aje Monde, ogunjo ninu osu keta odun yi ni ayeye naa yoo bere ninu soosi naa, gbogbo eto ati ilana ni awon igbimo ti won yan fun ayeye naa ti n se bayii.

Wooli Jeremiah Okunlola
Ohun taa tun gbo nipe, won fee se ayeye naa pelu ipago adura olodoodun ti won maa n se ni osu keta odun, iyen Zion Congress, eyi tawon olorin emi kaakiri orileede Naijiria atawon iranse Olorun ti Olorun n gba owo won sise iyanu lagbaye maa n wa nibe.

Bakanna ni AWIKONKO tun rii gbo pe inu osu keta ni Wooli Jeremiah Okunlola maa n se ayeye ojo ibi e, sugbon ko tii seni to le so boya Wooli naa maa see pelu eto ti won feese.
Bo tile je pe awon igbimo naa ko tii pari ise lori awon igbese ti won n gbe nipa eto ayeye naa yoo se lo, sugbon ise atunse soosi naa ti n lo lowo gege AWIKONKO se gbo.

Pepe tuntun Ijo naa
Lara awon ojise Olorun to n bo lojo naa ni Pasito Dayo Brown lati United Kingdom. Bee lawon olorin emi bii Funmi Aragbaaye, Senwele Jesu, Tope Alabi, Ayan Jesu atawon min in naa o ni gbeyin lati korin lojo naa.

No comments:

Post a Comment

PIN-IN KAAKIRI