Pa Kasumu si nilo iranlowo owo

Bo tile je pe agba osere tiata nni, Ogbeni Kayode Odumosu topo mo si Pa Kasumu so pe oun ko fee fi toun yo awon omo orileede Naijiria lenu nipa ki kede sita gbangba pe ki won ran oun lowo nipa aisan ti ko je koun gbadun lati nnkan bi odun meji aabo seyin. Sugbon sibe okunrin naa si nilo owo repete ti yoo fi lo gba itoju lorileede India.

Pa Kasumu

Bi e o ba gbagbe, gege bi AWIKONKO se gbo, odun meji seyin lokunrin naa kede sita pe ki won ran oun lowo lati lo gba itoju lorileede India fun ti oju to n dun ati ara to n roo latigbadegba, tawon alaanu kan si dide fun iranlowo e. Osu meji leyin to pada de sorileede yii lo tun ye ko pada lo sayewo miran, sugbon iyalenu lo je bokunrin naa se so pe oun ko ri kaadi toun fi n rin irin ajo lo sawon orileede miran mo.

Gbogbo aye lo gbo nigba naa lohun. Isele yi lo gbe Pa Kasumu pada wa siluu Abeokuta lati wa maa gbe ki won le mojumo daadaa.

Lojobo Tosde ose to koja yi nigba to n bakoroyin soro lati ori ero alagbeka, GSM, lati le mo nibo lo ku si, atipe bawo ni ti kaadi to n wa, Pa Kasumu so pe Olorun ti lo awon alaanu kan foun lati gba kaadi irin ajo miran losu kokanla odun to koja.

O so pe bakanna lawon eleyinju aanu kan tun ti foun lowo, sugbon owo naa ko le gbe oun lo sorileede India latinlo gba itoju nibe, o loun si nilo iranlowo owo si lati odo awon eeyan.

Okunrin naa ni itiju lo n je foun lati tun maa pariwo kaakiri ori redio, telifisan ati iwe iroyin pe kawon omo Naijiria ran oun lowo nipa owo, leyin eyi ti won ti se tele. O so pe koun ma da bi alaseju lo je koun dake bo tile je pe ara oun ko tii ya.

Titi di akoko ti a fi n koroyin yi, ileewosan ijopa apapo, Federal Medical Center, FMC Abeokuta lokunrin naa wa bayii nibi to ti n gba itoju.