VSO nikan nijoba ipinle Ogun fowo si o - Ojuko - IROYIN AWIKONKO

YAJO-YAJO

Thursday, January 19, 2017

VSO nikan nijoba ipinle Ogun fowo si o - Ojuko

Lati le fidi otito mule nipa rogbodiyan to n lo laarin ilu nipa awon eso alaabo ojulalakanfinsori, iyen Fijilante meji, VSO ati VGN ti won ni won n figagbaga nipinle Ogun, Komisana to n ri soro ijoba ibile ati oye jije nipinle Ogun, Ogbeni Babajide Ojuko ti so pe VSO, Vigilante Service of Ogun state nikan nijoba ipinle Ogun fowo si lati maa sise aabo ojulalakanfinsori nipinle naa.

Ojuko soro yi ninu atejade to fi sita lose to lo lohun pe looto lawon eso alaabo kan wa ti won n je VGN, iyen Vigilante Group of Nigeria, sugbon ijoba ipinle Ogun ko tewo gba won lati maa sise aabo laarin ilu.

O so pe, ijoba lo ni ase lati se nkan to ba fe laarin ilu, awon ni won ni eto aabo lowo nitori naa lo se je pe awon nikan ni won le bu owo lu ajo to ba fee lati maa sise aabo laarin ilu fun eto aabo to pe ati idagbasoke.

"VSO nikan nijoba ipinle Ogun mo gege bi ajo eso alaabo ojulalakanfinsori lati maa daabo bo awon araalu fun alaafia ati isokan awon eeyan. Ijoba lo si mo eni to le gbekele to ba di oro aabo nitori nnkan to gbege ni."

Gege bi AWIKONKO se gbo, won lawon kan ti won pe ara won VGN n so pe awon naa mo nipa eto aabo, sugbon ti won o gba ase lati odo ijoba ipinle Ogun ni won n da wahala sile laarin ilu.

Sugbon Komisana so pe "A ti bu owo lu Vigilante Service of Ogun state. Nitori naa, nipinle Ogun, VSO nikan la mo dele soko kii se VGN rara."

Bakanna lori oro awon Fulani daran daran ti won fojoojumo da wahala sile, Ojuko so pe oro naa koja agbara ijoba ipinle Ogun, o ni ijoba apapo orileede yi lo lagbara lati soro lori e.

No comments:

Post a Comment

PIN-IN KAAKIRI