Ayeye ojo awon osise - IROYIN AWIKONKO

YAJO-YAJO

Tuesday, May 9, 2017

Ayeye ojo awon osise

Gomina Amosun loun dariji awon osise meta
Sugbon Ambali niro lo n pa

Opo lo ti n woye ibi ti oro Gomina ipinle Ogun, Ibikunle Amosun atawon osise e yoo jasi lojo Aje Monde ose to koja to je ayajo ojo awon osise lagbaye nitori bi won se n reti oun to fee sele lojo naa.

Lakoko ti won n be Amosun
Bawon kan se n so pe Amosun ko ni foriji awon ti osise merin ti amosun loun da duro lodun to koja, bee lawon kan ni eleyinju aanu ni Gomina Amosun, tawon kan si n so pe Ogbeni Akeem Ambali to je olori awon osise nipinle Ogun, toun naa wa lara awon ti Amosun da duro ko ni ni anfaani lati bawon eeyan e soro.

Lakoko ti Gomina n bawon osise soro lojo naa lo ti so pe oun foriji meta ninu awon Tisa toun da duro pelu ifeyinti tipatipa, toun yoo si san gbogbo owo to ba je eto won fun won. Awon meta naa ni Dare ilekoya, Eniola Atiku ati Nola Balogun. Eyi lo je kawon kinu opo awon osise dun lojo naa ti won si patewo fun Gomina.

Oro tun yipada nigbati Amosun soro to tun fi “sugbon” sii pe oun ko tii le soro lori ti Oga awon osise, iyen Ambali nitori pe okunrin naa ti gbe ejo lo sile ejo, leyin esi abajade esi ile ejo loun yoo to le soro, nitori pe ile ejo lo ni ase lowo bayii.

Oro naa bi opo osise ninu nitori ti won so pe ile ejo ti oro naa wa ko ni nkankan se pelu igbese ti Gomina fee gbe, awawi lasan, ati atamo ni Amosun n wa, ti won si gbe patako sita pe afi ki Amosun foruji Ambali, ko si daa pada senu ise.

Nigba toun naa n soro, Ogbeni Akeem Ambali so pe kii se igbese to ye Amosun gbe lo gbe yen, nitori pe to ba so pe oun dariji awon osise, ko ye ko tun so pe dandan ni ki won feyinti, nitori pe awon kan wa laarin won to je pe o si ku bii odun merin si marun ki akoko ifeyinti won too de.

O ni o ye ki Gomina Amosun naa saanu awon eeyan lona to ba to nitori pe Olorun Olorun ti saanu oun naa lona to po, atipe ko si nnkan tawwon omo e, tabi ebi e n fe ti won ko ni ri.

O ni awon agbaagba bii Alake, Awujale, Olu Ilaro ti da soro naa, sugbon Amosun ko gbo siwon lenu, “Kini a se ara wa ti a o le dariji ara wa, mo mo pe ko na Gomina ni nkankan lati dariji gbogbo wa, nitori pe ori bibe ko ni oogun ori fifo.”

No comments:

Post a Comment

PIN-IN KAAKIRI