Dimeji b’AWIKONKO soro lori iku Abu Olododo - IROYIN AWIKONKO

YAJO-YAJO

Tuesday, August 1, 2017

Dimeji b’AWIKONKO soro lori iku Abu Olododo

Gbajumo osere tiata to filu Abeokuta sebugbe, Alaaji Waheed Ijaduade tawon ololufe e tun mo si Dimeji ti b’AWIKONKO soro lori iku to pa okan lara awon eeyan pataki nidi ise tiata, Oloogbe Isaiah Olurotimi Ayinde topo mon on si Abu Olododo, eni to je agba akowe iranti (Continuity Director) ninu awon fiimu agbelewo to n jade. Dimeji ni boun se sunmo on too, iyalenu lo je foun pe oun ko mo pe oloogbe naa ni aisan kan lara. E kaa bo se so.

AWIKONKO: Kin ni e le so nipa oloogbe Abu Olododo?
Dimeji: Olurotimi Isaiah Ayinde, Abu Olododo je eni ti a ti mora ti pe, o ti le ni ogbon odun. O sunmo mi pupo. Oun lo maa n se akowe iranti (continuity) gbogbo fiimu ti mo gbe jade, okan pataki to tun dara ju ninu awon to n se akowe iranti ni. Ti o ba ki n se pe oun lo dara ju, okan lara awon taa nii nipinle Ogun ni, ti mo si le fowo soya e, nitori pe critics ni peluu.

To baa maa ba ibi kan yo sii yin nigba ti a baa n se atunto ere, iyen screenplay, ee mo pe ododo oro wa ninu nkan to ba so. Ko sigba ti mo fee ya ise, ti mi o ki n lo o, nitori pe irinse pataki lo je. O ba mi lokan je pupo nigba ti mo gbo iroyin iku e, ko da gan an, gbogbo bii ose meji seyin, a jo se atunto (screenplay) ise kan ni.

O sunmo mi lopolopo. Bawon eeyan se n so pe o ni polisi (policy), sugbon mo rii pe o feran mi, o si tun beru mi. Ibanuje lo je pe asiko yi lo ku si.

AWIKONKO: Won ni eyin ni osere tiata ti Abu Olododo ba soro keyin, se looto ni, ati pe ki le jo so?
Lakoko, o le ri bee, nitori pe mo lo fun Creative Nigerian Summit kan niluu Ekoo, eyi tijoba apapo sagbekale e, o seni laanu pe ko raaye lo, sugbon nigba ti a soro, se lo n bi mi leere nnkan ti a ba bo nibe, nitori pe iru awon nnkan bee lo maa n nife si nipa ilosiwaju paapaa to ba je mo tise tiata ati lagbo osere. Oro ilosiwaju la si ma jo n so ni gbogbo igba.

Leyin yen, o tun ni awon ise kan to ti n seto e, to si fee se pelu ileese OGTV, temi naa si n gbadura pe ki ero yen ma ku sona bi eefin, nitori pe o ti file sasobora. O n beere nipa awon omo wa to maa nife lati darapo mo ise yen. Mo ni taa ba rira, a a tubo soro sii nitori pe o n fe mo nkan ti mo ri sii, ati iha ti mo ko sii, mi o fe maa so gbogbo e lori foonu. Mo si ri ateranse e titi di aago mewaa kuseju mokandinlogun (9:41pm) ale ojo naa lori Whatsapp mi.

Se lo waa ya mi lenu bi mo se gbo pe o ku, adiitu lo je fuun mi. Okan ninu awon omoose mi, Yemkem lo pe mi, to n so fun mi, nitori won mo pe emi a ti e la sunmo ara wa ju. O n beere pe ki lo se Olododo, mo ni ko si nnkan to se e, o ni nnkan toun gbo ni pe o ku, aya mi ja, mo ni a si soro lale ana kee. Lesekese ni mo ti loo wo aso, ti mo si lo sibe. Igba ti mo de be ni won so pe won ba lori ijokoo, to fowo leran, to si dake si be.

Gege bi nnkan ti mo gbo, omo merin ati iyawo meji lo ni, bo tile je pe okan lara awon iyawo e ti lo, sugbon eyokan lo wa pelu e.

AWIKONKO: Kini ipinu egbe osere tiata fun ayeye isinku e?
Dimeji: Gege bi egbe, awa naa gbodo ni nnkan ti a maa se lori ayeye ikeyin fun, nitori pe eeyan pataki ni, a o si gbodo sinku e gege bi eni ti a o ka kun ninu egbe. A sese maa loo jokoo lati se asaro ni, ti a si maa kopa to joju pelu bo se je okan pataki ninu awon omo egbe. Bo tile je pe won o ni oruko bii ti awa, ti awon eeyan ko fi bee mon on, sugbon awa taa jo n sise mo ipa to n ko leyin kamera ati nigba ti a baa n po ise po.

Ko seni ti Abu Olododo ko ba sise ninu awa onitiata Yoruba lorileede Naijiria, a fi awon to sese n wole. Awon bii Olaiya, Mista Latin, Odunlade, paapaa gbogbo awon ise Mosun Filani to je pe emi ni mo sakoso e, Abu Olododo pelu awon to lewaju akowe iranti won. Bee naa lo je pe ilaji ninu ise Oloogbe Alaasari to je pe emi ni mo sagbateru e, oun lo se akowe iranti won.

AWIKONKO: Ko pe ose kan ti Oloogbe Oloye Adebayo Faleti ku ni Abu naa tele. Awon to ti lo laarin eyin osere tiata lodun yi ti fee to mewaa, ki lo n sele gan an?
Dimeji: “Le sebo, le soogun, baa ti waye paari la maa ri.” Emi o nigbagbo pe akufa tabi aida kan wa ninu  bawon osere tiata se n ku lasiko yi, ewe kan o si le jabo lara igi lai si ase Olorun Oba. Bonikaluku ba de ibudoko e, o di dandan ko bo sile. Sugbon nitori pe eni to loruko lawon eeyan se n mo, aimoye awon to n ku lojumo tawon eeyan ko mo won. E je ka mojuto ara wa, ka gbaruku ti aare ati aisan to ba n se wa lasiko. E ma je ka bara je, e je ka gba pe asiko won lo to.

No comments:

Post a Comment

PIN-IN KAAKIRI