Ibeere tawon araalu
tun bere sii beere lowo ara won ni pe "nigba wo lawon olopaa tun ti bere
sii nigbagbo ninu oogun abenugongo?", nigba ti won mu okunrin kan,
Olatunde Akapo pe o foogun na enikan pa.
 |
| Olatunde |
Bo tile je pe
ojoojumo lawon olopaa maa n so pe oro oogun ko si ninu iwe ofin orileede yi,
sugbon toro naa ti yi pada bayii.
Ohun ti a gbo ni pe
oro kan la gbo pe o sele laarin Olatunde, eni odun mejilelogbon, 32years ati
eni ti won jo n gbe, Augustine Ode, eni odun mejilelogoji, 42years ladugbo
Alapako Eke, Ibogun ipinle Ogun.
AWIKONKO gbo pe bawon
eeyan se n gbiyanju lati bawon pari lawon mejeeji jo n leri iku sira won, pe
enikan gbodo fi aye sile fenikan ninu won.
Sa dede la gbo pe
Olatunde wole lo, lero okan awon eeyan pe oro naa ti tan ninu, sugbon nigba to
maa jade sita pada, oogun abenugongo la gbo pe o mu jade.
Ere lawon toro naa
soju e koko pe e, afigba ti won ni Olatunde fi kinni naa lu Augustine
leyin orun, tiyen si subu lule, to bere sii japoro be eni to lu magun lara
obinrin.
AWIKONKO gbo pe ko
seni to le sunmo okunrin naa nileele to wa, nitori ti won so pe se lawon eeyan
n sa seyin lati sunmo on kawon naa ma baa lu gude, ko too di pe o ku
patapata.
Nibe ni won lawon
toro naa soju e to ranse pe aburo e pe ko waa wo nnkan to n sele, won ti foogun
lu egbon e pa nitori oro ti ko to n kan.
Bokunrin aburo
oloogbe yi se de, to ri oku egbon nile, lo sare gba tesan olopaa to wa n'Ibogun
lo lati loo fejo sun awon olopaa to wa nibe.
Eyi lo faa ti won
lawon olopaa naa fi gbera lati loo mo nkan to n sele, nigba tawon naa de
be, iyalenu lo je fun won pelu ipo ti won so pe won ba oku naa, pelu bawon eero
tun se pe lee lori.
Awon araadugbo la gbo
pe won ko je ki Olatunde salo kawon olopaa too de, nitori ti won so pe okunrin
naa ti mura lati fese fee.
Pakopako bi maalu to
ri obe lowo alapata la gbo pe Olatunde n wo nigba to de tesan olopaa, to si n
bebe pe ki won dariji oun, tori pe ise esu ni.
Komisana olopaa
ipinle Ogun nigba to gbo soro naa, o ni ki iwadii tubo bere siwaju sii
latari ayewo autopsy to ni ki won se foku naa, lati le je eri ti won loo ti gbe
Olatunde lo siwaju adajo.
Ni bayii, AWIKONKO
gbo pe mosuari osibitu jenera to wa ni Ifo la gbo pe won gbe oku naa si,
nibi ti won ti n reti lati sayewo naa.
No comments:
Post a Comment