Ija ni Yinka fe e la ki Down-jia to luu pa - IROYIN AWIKONKO

LÉRÉFÈÉ


Saturday, September 30, 2017

Ija ni Yinka fe e la ki Down-jia to luu pa

Titi di bi a ti n sakojopo iroyin lawon olopaa ipinle Ogun si fi n wa Kazeem tawon eeyan tun mo si “Down-jia” ati Mopo ti won pa Yinka Adewoyin, eni odun mokanlelogbon lose to koja ladugbo Vitalink Campus, Agosi Ifo nipinle Ogun

Yinka nigba to wa laye
Gege b’AWIKONKO se gbo, ni nnkan bi aago meji aabo osan ojo Isegun Tusde to koja la gbo pe ile oti ni Down-jia atawon ore e ti kuro, ti won si gba adugbo naa koja, nibe lo ti ri baba agbalagba mekaniiki kan to n sise lara tipa ti won paaki siwaju ita soobu Yinka, to si bere sii fa wahala.

Down-jia ti won nise panel-beater lo n se la gbo pe okan lara awon oloye nilu Ifo ni mama to bii lomo, bo tile je pe a ko ri mama e ba soro titi dasiko taa fi sakojopo iroyin yi tan.

Ohun ta a gbo ni pe won loo so fun baba naa pe oju titi lo paaki moto si, ko gbe e kuro, baba yi lo so fun Down-jia pe tipa naa ko si loju titi, ati pe oun ko loun nii, oun kan n sise lara e ni, lo ba bere sii da ese bo baba agbalagba naa.

A gbo pe aanu gbogbo bi Down-jia se n gba baba agbalagba kan, Mukaila Laisisi lese lo se Yinka to si n bee Down-jia pe ko fi sile, sugbon won nise lokunrin naa atawon ore e tun koju ija Yinka, ti won si luu titi to fi fori gbale, to si daku.

Oku Yinka
Leseke ti won rii pe Yinka ti dake, la gbo pe won ti na papa bora. Nibe lawon eeyan ti raaye pe bo o, ti won sare gbe e lo si osibitu, nibi ti won so pe won ti ko o pe oku eeyan ni won gbe wa fawon, ko too di pe won gbe e lo si osibitu kan to wa lagbegbe Banki n’Ifo.

AWIKONKO gbo pe ese kan aye ese kan orun ni Yinka ti won tun un pe ni Baba Praise wa, ti ko lee se ohunkohun titi to fi gbemi min in leyin ojo keta.

Baba agbalagba ti won lu lojo naa, Mukaila Lasisi so pe “Ibi ti mo ti n se moto ni mo wa, to fi de, moto kan fe e koja niwaju, mo wa so fun un pe ko se suuru, pe aye wa to le gba koja, sugbon epe lo mu bo enu, awon eeyan lo so fun un pe se ko mo pe agbalagba lawon to n sepe fun.

“Boun atawon ore e se lo paaki moto won siwaju lohun ni yen, ti won bo sile pelu irin lowo, ti won lo fi n na awon eeyan. Igba ti mo rii be e ni mo sare loo ba won pe ki won se jeje, ni won ba tun koju ija si mi. Igba ti Yinka naa tun de, won tun koju ija sii.

Lasisi ti Yinka fee gba sile
“Oro naa le debi pe won fun Yinka lese laya, o si fi ipako lule, lesekese lo ti daku. Bi won se rii pe o ti daku, ni won ba salo pelu moto won. mo ba sare gbe e lo si osibitu pelu okada, igba tawon eeyan de ni mo ba lo foro yi to awon olopaa Ifo leti, won fun mi ni IPO kan pe ka lo mu Down-jia wa.

“Igba taa de soobu e, a o ba, won lo o ti lo si Kaduna lo ra moto lati bii ojo marun seyin. Sugbon a so fun won pe oun lo wa se awon eeyan lese lai pe yi. Bo se di pe won pe e lori aago lati beere ibi to wa, o so fun won pe Ifo loun wa, oun sese de lati Kaduna ni. Won so fun pe ko maa bo lati wa yanju wahala to da sile, sugbon ti ko dahun. Titi dasiko yi lao tii ri Down-jia. Sugbon aaro ojo Tosde lo ku, a si ti gbe e lo si mosuari.”

Michael to ladugbo Temidire loun ti n sise agerun so pe boun se n bo loun rii pe won n ba Yinka fa wahala, nigba to si je pe eni to nife awon eeyan pupo ni tawon si jo maa n sere loun ba loo ba won pe ki won fi sile, o lesekese ni won ti gba oun lese, ti won si bere sii le oun kaakiri irin lowo.

Okan lara awon ti Yinka ti ko nise ri, Adegoke Oluwatosin so pe oni suuru ni Yinka, ko si ba eeyan ja ri latigba toun ti de odo e, ko too di pe oun se firidoomu. O loun ko si nile lasiko naa, ori foonu ni won ti pe oun.

Mariam, iyawo Yinka
Iyawo Yinka, Arabinrin Mariam Adewoyin nigba to n b’AWIKONKO soro pelu omije loju so pe “Ori ijokoo ni mo fi oko mi sile sii, mo loo mu omo wa nileewe ni. Igba ti mo maa pada de, mo ba ero repete niwaju ita, mo beere pe ki lo sele, won ni won ti gbe oko mi lo si osibitu nitori pe awon kan lo luu mo inu soobu.

“Ipo to wa nigba ti mo de be ko da rara, nitori pe oko ko da mi mo mo, ko pe lawon osise osibitu so pe agbara awon ko gbe e mo, ka gbe e lo sibo min in, a wa pinu la ti gbe e lo si osibitu kan to wa ladugbo Olomu, nitosi Banki, Ifo. Ojo keta lo dake laaro ojo Tosde.

Iya e, Arabinrin Bukola Awoyemi nigba to n soro so pe “ipade egbe alajeseku ni mo wa ti won ti ranse pe mi pe won ti lu Yinka daku, won si ti gbe e lo si osibitu. Igba ti mo dele ni mo so fawon eeyan pe ki won mu mi de be.

“Tipa kan to je ti baba iyawo e, ti won paaki siwaju ita ile won ni won so pe eni kan to n je Down-jia so pe oju ona lo wa, omose baba iyawo lo n tun tipa yen se lowo tawon Down-jia fi debe ni won fi bere wahala pelu won, ko too di pe won ti omo mi subu.”

Bukola, Iya Yinka
Eni to je gege bii baba e, Komureedi Awoyemi Oladosu, eni to so pe odun mewaa ni Yinka wa toun ti fe iya e so pe ibise loun ti n bo ki won too so foun pe Yinka ti wa losibitu.

Agbenuso ileese olopaa ipinle Ogun, Ogbeni Abimbola Oyeyemi nigba to n jeri sisele naa so pe looto, o lesekese tawon ti gbo ni won ti lo sibe, ti won si peluu gbe Yinka lo sileewosan.

O lojo keji ni won gbo pe o ti dagbere faye, iyen laaro Tosde, ati pe iwadii si n lo lowo nitori pe o ti do esun apaayan, tawon si gbodo rowo to Awon odaran naa lati foro wa won lenu wo. O loun yoo fi ababo to wa leti towo Awon ba ti te won.

No comments:

Post a Comment

PÍN-IN KÁÀKIRI