NITORI ATUNDI IBO L'OSUN: SARAKI ATI OMISORE DI ORE TIPATIPA - IROYIN AWIKONKO

YAJO-YAJO

Wednesday, September 26, 2018

NITORI ATUNDI IBO L'OSUN: SARAKI ATI OMISORE DI ORE TIPATIPA


Oludije fun ipo gomina, Seneto Iyiola Omisore labe asia egbe oselu SDP ninu ibo to waye nipinle Osun ni Satide, ojo Abameta to koja yii ti di ojulowo oloselu bayii ti gbogbo awon oloselu egbe e n wa kiri.


Bi awon egbe oselu APC se n wa okunrin oloselu yii, to ti figba kan se igbakeji gomina ri, bee lawon PDP paapaa ko je ko gbadun niseju kan, nise lawon egbe mejeeji yii n be e gidigidi, ti won si n fi orisirisi ipo be e paapaa.

Ohun kan pataki ti won n be Omisore fun ni bi yoo se darapo mo won, ti atundi ibo to fe waye ni Tosde to n bo yii, yoo senuure fun won.

Okan lara awon oloselu to sepade pelu Seneto ohun loni-in ni Aare ile igbimo asofin Seneto Bukola Saraki. Ninu oro ti Bukola Saraki so fawon oniroyin ni kete to kuro lodo Omisore ni pe, “Ipade to so eso rere la jo se pelu Seneto Omisore, bee la nigbagbo wi pe awa egbe oselu PDP la o jawe olubori. Ipade ohun si n te siwaju, nitori a tun n bo lola, a si nigbagbo pe yoo yori si rere fun egbe wa.”

Iyiola Omisore ninu oro tie naa so pe, loooto lawon egbe oselu mejeeji, APC ati PDP ti n wa oun kiri bayii, bakan naa lo fi kun un pe, egbe oselu SDP toun dije loruko e setan lati sise papo pelu eyikeyi to ba setan lati tele akosile erongba rere ti egbe naa ni fun araalu.

Te o ba gbagbe, ninu ibo to waye lojo Satide, egbe oselu PDP ti Ademola Adeleke dije loruko e lo n le iwaju pelu ibo egberun lona igba-o-le-erinle-laaodota ati ibo mokandin-leedegbinrin (254,699), nigba ti  Isiaka Oyetola toun dije labe asia egbe oselu APC ni tie ni ibo egberun lona igba-o-le-erin-le-laaodota ati ibo oodunrun-o-le-marun-un-din-laadota (254,345).

Seneto Iyiola Omisore, to dije loruko egbe oselu SDP, to siketa ninu idije ohun pelu ibo egberun lona eji-din-ni-aadoje-o-le-mokandinlaadota (128,049).

Ni bayii ti ajo INEC ti kede wi pe atundi ibo yoo waye lojo Tosde to n bo ni awon agbegbe yii, Orolu, Osogbo ati Ife, gbogbo ona lawon oloselu mejeeji yii, APC ati PDP n wa lati fi fa oju Omisore mora, ki ibo e le kun tiwon, ki won baa le jawe olubori ninu atundi ibo naa.

Lati: OJUTOLE-TOKO

PIN-IN KAAKIRI