OWO OLORUN WA NINU IDIBO ODUN 2019 – OGUNBANJO - IROYIN AWIKONKO

YÀJÓ-YÀJÓ




Thursday, January 10, 2019

OWO OLORUN WA NINU IDIBO ODUN 2019 – OGUNBANJO

Adije sipo gomina nipinle Ogun labe egbe oselu Alliance for New Nigeria, ANN, Ogbeni Ademola Ogunbanjo ti so pe kawon omo orileede Naijiria loo fokan won bale, ki won si ma se gbe okan won soke latari idibo to n bo lona yi nitori pe owo Olorun oga ogo ti wa ninu e, to si ti pari ise patapata.

Ogunbanjo
Lai yi ni Ogunbanjo b’AWIKONKO soro niluu Abeokuta, nibi to ti so pe ko si nnkan to n ba oun leru lati dije dupo gomina ipinle Ogun, paapaa bawon kan se n so pe awon alagbara ti pari ise lati yi esi idibo sodo won.

O ni pelu gbogbo nnkan to n lo yi, ko si nnkan to di awon lowo lati maa polongo erongba won fawon oludibo lai wo awon nnkan tawon alagbara orileede yi n se nipa eto idibo to n bo lona losu keji odun yi.

O ni “Awon kan n so pe won yi esi ibo ki ojo idibo to o de, awon kan ni won ti ko o sile, awon kan ni won ti gbe esi ibo sita, a ni itara pelu nnkan ta a n se, a si tun ma a tesiwaju lati maa se ti wa, ka si tele ilana, a maa sise ti wa, nitori pe owo wa lo wa, a ko fi nnkan ti enikeni n gbero se.

“Bi e ko ba i tii sakiyesi titi dasiko yi pe owo Olorun wa ninu idibo odun 2019, e lo wo nnkan to n lo ninu egbe oselu APC ati PDP lasiko yi, ki e wa so fun mi bi igbimo ota ko ba ti daru, e maa rii pe owo Olorun ti wa ninu eto oselu Naijiria.

“Apolo n bu omi rin, sugbon Olorun lo n bukun un, awa n furugbin, kawon to ba si gbagbo ninu wa maa bu omi rin wa. Lati maa gba ijoba apapo lamonran lori nnkan to ye ki won se je nnkan atijo ti ko lasiko mo, amonran awon eeyan ko ni apeere kankan sijoba. E je ki won gbe agbekale won lati yi esi ibo sile, e maa rii pe leyin gbogbo e, gbogbo ogbon ati imo won maa di ode.

“Opo wa la ti n fi aimoye odun gbaawe ati adura pe ki Olorun yi igba rere pada fun wa, pe ki Olorun da si oro Naijiria, ko si eni naa lorileede yi ti kii gbadura, mo fe e so fun un yin pe adura wa ti gba nitori pe Olorun ti setan lori oro wa.

“Nnkan to ku ka se ni pe ki gbogbo wa dide loo dibo lati doju ti awon ota Naijiria, a gbodo le fa eni to le se e kale. Ojoojumo ni mo n lo kaakiri lati bawon eeyan soro lati ojule kan si ekeji, kaakiri ijoba ibile to wa nipinle Ogun. Mo lo sibi kan lai pe yi, ibi ti mo ti n bawon eeyan soro ni won ti so pe Eerin Lakatabu pa eeyan meji losu meloo kan seyin, ibe ni mo ti mo pe a ni Eerin nipinle Ogun.

“A ko ni agbegbe tawon eranko n gbe lati maa fi pawo wole, owo tijoba Rwanda n pa lori eranko ti won n pe ni Gorila ko din ni irinwo milionu dola ($400m) lodoodun. Awa ni Eeri ni Magboro, J4 ati eyin Osun, a ko si se nnkankan sii lati maa pawo wole fun wa. Gbogbo ibi ti mo n lo ni mo ti n bawon eeyan soro, ti mo n soro sinu okan won, nitori nnkan to se pataki niyen.

“Opo awon ti won fe e di gomina ipinle Ogun lo je pe won ko ni afojusun kan ni pato, adije sipo gomina kan ni won n foro wa lenu lori telifisan lai pe yi pe ki lo fe e se fawon omo ipinle e, se lo bere sii wo inu iwe to ko o si. Ko ye ki eni to mo nnkan to fe e se tun maa ko o sile, o ye ko ti mo gbogbo e, ko da, bi won ba ji loju ooru, o gbodo le so o.”

Ademola Ogunbanjo wa a gbawon omo ipinle Ogun lamonran pe ki won dibo yan oun nitori pe awon idagbasoke toun fe e mu wo ipinle Ogun yato eyi tawon to ti se e tele atawon ti won ko ni erongba kan ni pato, bi ko se lati ji owo ko lo.

Bee lo gbawon eeyan lamonran pe ki won jade dibo fun eni ti okan won n fe, ki won ma si gba owo ki won to o dibo lojo idibo.

No comments:

Post a Comment



PÍN-IN KÁÀKIRI