ASISAT OSHOALA TI GÚNLẸ̀ SÍNU IKỌ̀ BARCELONA - IROYIN AWIKONKO

YAJO-YAJO

Friday, February 1, 2019

ASISAT OSHOALA TI GÚNLẸ̀ SÍNU IKỌ̀ BARCELONA


Agbábọ́ọ̀lù ọwọ́ iwájú ọmọ ilẹ̀ wa, Asisat Oshoala ti darapọ̀ mọ́ ẹgbẹ́ agbábọ́ọ̀lù obìnrin ti ikọ̀ Barcelona.

Asisat, ẹni tó gúnlẹ̀ sínú ikọ̀ náà láti bẹ̀rẹ̀ àyẹ̀wò àti ìtọwọ́bọ̀wé lánàá, Ọjọ́bọ̀, ló kúrò nínú ẹgbẹ́ agbábọ́ọ̀lù rẹ̀, Dalian Quanjian ti orilẹ̀ èdè China, láti darapọ̀mọ́ Barca gẹ́gẹ́ bí agbábọ́ọ̀lù àyálò.

Gẹ́gẹ́ bí ìròyìn tí ikọ̀ Barca  fi síta, agbábọ́ọ̀lù náà yóò wà nínú ikọ̀ náà títí di ìparí sáà ìdíje 2018/19.

Nígbà tó ń sọ̀rọ̀, Asisat fi ìdùnnú rẹ̀ sí ìtọwọ́bọ́wé náà jẹ́ pẹ̀lú àlàyé pé ohun ìwúrí ni ó jẹ́ fún òun láti fi hàn fi ẹ̀bùn òun hàn nínú ikọ̀ tí ó gbajúmọ̀ lágbàáyé.

Ó ní àfojúsùn òun ni láti fi ìtàn tuntun balẹ̀ nípa kíkó ipa ribibibi nínú ẹgbẹ́ agbábọ́ọ̀lù náà lójúnà àtiṣaseyege.

No comments:

Post a Comment

PIN-IN KAAKIRI