EYI NI BAWỌN FULANI DARAN-DARAN ṢE PAWỌN MẸRINDINLOGUN NI BENUE - IROYIN AWIKONKO

YAJO-YAJO

Thursday, February 21, 2019

EYI NI BAWỌN FULANI DARAN-DARAN ṢE PAWỌN MẸRINDINLOGUN NI BENUE

Ko din leeyan mẹrindinlogun lawọn Fulani daran-daran pa labule kan ti wọn pe ni Agatu nipinlẹ Benue.

Bẹẹ naa ni awọn janduku to ṣe ikọlu si ilu Dan Jibga nijọba ibilẹ Tsafe ni Zamfara ri iku he, nigba ti awọn ara ilu naa pa mọkandinlọgọta lara wọn.

Iroyin fi han pe, ni bii agogo kan oru ni awọn darandaran ṣe ikọlu naa ni abule Agatu, ti wọn n pe ni Ebete ni Ipinlẹ Benue.

Bi wọn ṣe n yinbọn pà awọn eniyan, ni wọn dana sun ile wọn.

Agbẹnusọ fun ileeṣẹ ọlọpaa ni ipinlẹ naa, Catherin Anene sọ fun awọn akọroyin wipe, iwadii n lọ lọwọ lori ikọlu naa.

Ni Zamfara, a gbọ pe awọn janduku bi ọgọsan lo ya bo ilu Dan Jibga, ti wọn si pa eniyan meje.

Ni kia ni a gbọ pe, awọn ara ilu naa mu awọn mọkandinlọgọta lara awọn janduku naa, ti wọn si pa wọn.

Ija naa lọ fun bii wakati mẹrin, ki awọn agbofinro to de ilu naa.

Agbẹnusọ fun ileeṣẹ ọmọogun Naijirai, Clement Abiade ni awọn ti n gbiyanju lati ṣe iwadii lori bi ọrọ naa ṣe ṣẹlẹ.

- BBC

No comments:

Post a Comment

PIN-IN KAAKIRI