O TAN O: AJỌ INEC SUN IDIBO SIWAJU - IROYIN AWIKONKO

LÉRÉFÈÉ


Saturday, February 16, 2019

O TAN O: AJỌ INEC SUN IDIBO SIWAJU

Bọsun Ọlaniyi, Abeokuta 

Ajọ eleto idibo orileede yi, INEC ti kede sita laarọ kutu oni pe idibo apapọ to yẹ ko waye lonii Satide Abamẹta pe ko nii waye mọ, dipo bẹẹ, ọjọ Satide tii ṣe ọjọ kẹtalelogun ni idibọ naa yoo tun pada waye.

AWIKONKO gbọ pe kii ṣe pe ajọ INEC dee de sun idibo naa siwaju, bi ko ṣe pe lati le jẹ kidibo naa lọ bo ṣe yẹ ko lọ, paapaa awọn iroyin kan to tẹ wọn lọwọ pe awọn kan ti ṣetan lati dabaru idibo naa, paapaa bawọn ẹgbẹ oṣelu kan ti ṣe gbaradi lati ji apoti ibo gbe.

Ajọ INEC sọ pe idibo Aarẹ ati ti Sẹnetọ, to fi mọ tawọn aṣoju-ṣofin yoo waye lọjọ kẹalelogun, iyẹn Satide ọsẹ to n bọ, nigba ti idibo Gomina to yẹ ko waye lọjọ keji oṣu kẹta yoo waye lọjọ kẹsan an oṣu kẹta.

Nigba to n kede iroyin nipa ayipada naa, ọga agba fun ajọ naa, Ọjọgbọn Mahmood Yakubu laago mẹta ku iṣẹju mẹwaa (2:50am), o rawọ ẹbẹ sawọn ọmọ Naijiri ti wọn ti gbaradi lati dibo, bẹẹ ni ko faaye silẹ fun ibeere kankan.

Ninu ọrọ rẹ lo ti sọ pe “Ajọ eleto idibo, Independent National Electoral Commission ṣepade lọjọ Fraide ana lati tun agbeyẹwo idibo to yẹ ko waye lọjọ Satide onii ati Satide kinni ninu oṣu keta ọdun yi.

“Ni titẹle awọn amuyẹ lati jẹ ki idibo naa lọ nirọwọ irọsẹ, ajọ naa pinu lati sun idibo siwaju, paapaa latari awọn nnkan to le di wọn lọwọ ninu igbaradi naa.”

Alaga ẹgbẹ oṣelu PDP, Uche Secondus sọ pe sisun ti ajọ INEC sun eto idibo naa siwaju ko ṣẹyin Aarẹ Muhammadu Buahri lati ma ṣe kuro nipo naa, toun ko si nii gba igbesẹ ti ajọ naa gbe wọle rara.

No comments:

Post a Comment

PÍN-IN KÁÀKIRI