WỌN JI PASITỌ GBE NITORI MILIỌNU MẸWAA NAIRA, NI WỌN BA PAA DANU - IROYIN AWIKONKO

IROYIN YAJO-YAJO

AJỌ DAWN

AJỌ DAWN

Thursday, February 21, 2019

WỌN JI PASITỌ GBE NITORI MILIỌNU MẸWAA NAIRA, NI WỌN BA PAA DANU

Folukẹ Aduragbemi, Ọṣun 

Bo tilẹ jẹ pe iwadi ṣi n lọ lọwọ lori iku gbajumọ pasitọ ṣọọṣi Anglican Communion kan ti wọn ṣẹṣẹ gbe lọ siluu Ṣokoto, Refurẹndi Jonathan Auta, sibẹ, kayeefi niku ẹ ṣi n jẹ fawọn eeyan, paapaa awọn ọmọ ṣọọṣi ẹ.

Ohun ta a gbọ ni pe awọn agbebọn kan ni wọn jii gbe, ti wọn si n beere miliọnu mẹwaa naira lọwọ awọn ṣọọṣi ẹ ki wọn too le fi silẹ, ati pe wakati kan pere ni wọn lawọn agbebọn naa fẹẹ fi gba owo yi.

A gbọ pe asiko ti Pasitọ naa atawọn ẹbi ẹ n rin irin ajo lọ lati Ṣokoto siluu Zamfara la gbọ pe awọn agbebọn naa pade wọn lọna, ti wọn si ji wọn gbe, iyẹn lagbegbe Talatan-Fara ni Kauran Namoda.

 Nigba ti wọn ko tete ri owo naa, lo mu ki wọn pa Pasitọ naa danu lati le fi ye wọn pe awọn ko ṣere rara, ti wọn si lọọ ju oku ẹ sibi ti wọn ti maa tete ri i.

Titi dasiko ta a kọ iroyin yi tan la gbọ pe awọn ẹbi oloogbe naa ṣi wa lahamọ awọn ajinigbe naa.

PIN-IN KAAKIRI