NITORI IWA AGABANGEBE; WỌN DA GOMINA AMOSUN DURO, O ṢEE ṢE KO PADANU IPO Ẹ - IROYIN AWIKONKO

LÉRÉFÈÉ


Saturday, March 2, 2019

NITORI IWA AGABANGEBE; WỌN DA GOMINA AMOSUN DURO, O ṢEE ṢE KO PADANU IPO Ẹ

Pẹlu bi nnkan ṣe n lọ yii, afaimọ ki Gomina Ibikunle Amosun tipinlẹ Ogun ma padanu ipo sẹnetọ ti wọn dibo yan-an wọle lọsẹ to kọja yi, nitori bi igbimọ ẹgbẹ naa, iyẹn National Working Committee fẹgbẹ oṣelu APC niluu Abuja ṣe kede pe awọn da ọkunrin naa duro ninu ẹgbẹ naa pẹlu erongba lati lee danu ninu ẹgbẹ naa patapata.

Ninu atẹjade ti wọn fi sita ni wọn ti ṣalaye pe awọn da Gomina naa ati akẹgbẹ ẹ nipinlẹ Imo, iyẹn Gomina Okorocha duro lori iwa agabangebe ti wọn n hu ninu ẹgbẹ naa lati ọdun to kọja.

Bẹẹ ni wọn tun gbe e siwaju awọn alaṣẹ ẹgbẹ naa pẹlu amọnran lati le awọn mejeeji danu, nitori gbogbo iwa ko kan mi tawọn mejeeji n hu ko ba ofin ẹgbẹ mu, to si jẹ pe kaka ki wọn jawọ, ṣe lo tun n peleke sii fun wọn ni.

Latigba ti ẹgbẹ lapapọ si kede idaduro Gomina Amosun ni ẹgbẹ APC tipinlẹ Ogun ti sọrọ sita pe idaduro kọ nikan lawọn n fẹẹ, ki wọn le ọkunrin naa danu ninu ẹgbẹ APC ni yoo bojumu.

Ninu atẹjade kan ti Ọgbẹni Tunde Ọladunjoye, to jẹ akọwe olupolongo ẹgbẹ naa fi sita lọjọ Fraide ana an, lo ti ṣalaye pe igbesẹ ti National Working Committee naa gbe lo yẹ ko ti waye tipẹ.

Atẹjade naa tun ka bayii ‘Gbogbo igbesẹ ti Gomina Amosun gbe lo jẹ ti alaimoore, to si tun jẹ agabangebe ẹgbẹ, awa pe igbimọ NWC ẹgbẹ naa lati tẹ siwaju ninu igbesẹ wọn, ki wọn si lee danu patapata, eyi ni yoo jẹ ẹkọ fun un lọjọ iwaju atawọn to ba tun fẹẹ ṣe awokọṣe ẹ.

Ṣugbọn bi nnkan ṣe n tun ti wa n lọ, bi ẹgbẹ ba fi le le Amosun danu ninu ẹgbẹ naa, o ṣe e ṣe ki wọn gba tikẹẹti to fi wọle fun ipo sẹnetọ lọsẹ to kọja, ki wọn si gbe e fun elomin in.

A tiẹ tun gbọ pe wọn ti ni ki Sẹnetọ Lanre Tẹjuoṣo to ṣi wa nipo naa lọwọlọwọ, ko maa mura silẹ. Amọ ṣa, ibi ti ọrọ ere ori itage tẹgbẹ oṣelu APC ṣe n lọwọ yoo fidi si ko tii sẹni to le sọ.

- BO ṢE RI

No comments:

Post a Comment

PÍN-IN KÁÀKIRI