Ẹ WA A GBỌ O, WỌN NI TOYIN AIMAKHU KO NI PẸ Ẹ BIMỌ

Bi ẹ ṣe n ka iroyin lọwọlọwọ, iroyin to tẹ AWIKONKO lọwọ ni pe gbajumọ oṣerebinrin nni, Toyin Aimakhu ti wa ninu oyun, ko si ni pẹ ẹ bimọ.

Fawọn to n ba n ṣakiyesi fọto ti ọmọ bibi ilu Ẹdo n gbe sori ẹka ayelujara lẹnu ọjọ meloo kan bayii, wọn yoo ri i daju pe oyun naa ti yọ sita kọja nnkan ti wọn n fi pamọ, nitori pe gedengbe bayii ni kinni naa ti yọ sita.

Kii ṣe ahesọ mọ pe gbajumọ oṣerekunrin nni, Kọlawọle Ajeyẹmi tawọn eeyan tun n pe ni Awilo ni Toyin Aimakhu n fẹ bayii, lẹyin ti wọn ti ṣe eto mọmi-n-mọ-ẹ, iyẹn introduction laarin mọlebi wọn, ta a si gbọ pe igbeyawo bonkẹlẹ lawọn mejeeji ṣe.

Awilo, ọkọ Toyin

Fawọn ti ko ba ranti daadaa mọ, oṣere kan torukọ rẹ n jẹ Adeniyi Johnson ni Toyin kọkọ ṣegbeyawo pẹlu ẹ, ṣugbọn ti aarin wọn ko pẹ to fi pada daru.

Lẹyin ti Toyin ati Adeniyi ja, lobinrin naa pada sọdọ Ṣeun Ẹgbẹgbẹ to ti kọkọ fẹ ri, ki aarin wọn tun too daru.

Ju gbogbo  ẹ lọ, ọjọ ti ariwo 'Ẹ ku ewu ọmọ' yoo sọ nile awọn Toyin la wa n reti bayii.