BABATUNDE ṢA BABA Ẹ L’ADA PA N’IJOKO - IROYIN AWIKONKO

YAJO-YAJO

Saturday, May 18, 2019

BABATUNDE ṢA BABA Ẹ L’ADA PA N’IJOKO

Iṣẹ eṣu ni, ẹ foju aanu wo mi" lọrọ to n jade lẹnu ọdọmọkunrin ẹmọ ọgbọn ọdun kan, Babatunde lagẹṣin ti wọn loo fibinu ṣa baba ẹ lada pa, tori ko fẹ ko lọ siluu Ekoo lọọ ṣiṣẹ owo, dipo koun maa fojuoojumọ tọrọ owo kaakiri.

Agbegbe Ijokoo nipinlẹ Ogun niṣẹlẹ naa ti waye laipẹ yi.

Agbẹnusọ ileeṣẹ ọlọpaa ipinlẹ naa, Abimbola Oyeyemi sọ wipe oloogbe naa lo fa ada yọ lati fi dẹru ba ọmọ rẹ. O ni nigba ti wọn jọ wọya ija ti wọn si n du ada mọ ara wọn lọwọ ni ada naa fa oloogbe naa nikun ya.

Oyeyemi ni Babatunde wa ni ahamọ ẹka ileeṣẹ ọlọpaa to n ṣe iwadi ẹsun ipaniyan to wa ni Eleweran, Abeokuta.

Awọn aladugbo sọ wipe idi ti baba naa ko fi fẹ ki ọmọ rẹ jade ni wipe o ni oun fẹ ki o tẹle oun lọ ṣiṣẹ kan.

Afẹsunkan naa sọ fun awọn ọlọpaa wipe oun ko mọọmọ pa baba oun.

Awọn aladugbo ti wọn ti gbiyanju lati la ija ki ọfọ naa to ṣẹ sọ wipe awọn gbiyanju lati gbe oloogbe naa lọ ile iwosan bi ẹjẹ ṣe n tu lara rẹ ṣugbọn o gbẹmii mi loju ọna.

No comments:

Post a Comment

PIN-IN KAAKIRI