DAPỌ ABIỌDUN GBE BỌỌSI NLA TUNTUN FUN OLUỌMỌ - IROYIN AWIKONKO

IROYIN YAJO-YAJO

AJỌ DAWN

AJỌ DAWN

Sunday, May 12, 2019

DAPỌ ABIỌDUN GBE BỌỌSI NLA TUNTUN FUN OLUỌMỌ

Ki alaafia le tubọ jọba, paapaa ki igbokegbodo le rọrun fawọn akẹkọọ ijọba ibilẹ Ifo, Gomina tuntun ti wọn ṣẹṣẹ dibo yan nipinlẹ Ogun, Ọmọba Dapọ Abiọdun ti ṣe bẹbẹ.

Bọọsi nla tuntun ọlọyẹ lo fi ta igbakeji olori ile igbimọ aṣofin ipinlẹ Ogun, Ọnọrebu Ọlakunle Oluọmọ lọrẹ, eyi to fi dipo ọkan lara awọn bọọsi nla marun tawọn tọọgi dana sun ni nnkan bi ọsẹ meloo kan sẹyin.

Fawọn to ba mọ bi nnkan ṣe n lọ daadaa nijọba ibilẹ Ifọ, wọn yoo mọ pe bọọsi nla marun ọtọọtọ ni Ọnọrebu Oluọmọ ra lati maa fi gbe awọn akẹkọọ lọ sileewe wọn laarọ, ti bọọsi naa yoo tun pada lọọ ko wọn bi wọn ba jade ileewe lọsan.

Awọn bọọsi yi la gbọ pe awọn tọọgi tinu n bi dana sun kọja titunṣe lairo iye owo tawọn bọọsi naa je.

Ninu atẹjade ti igbakeji olori ile igbimọ aṣofin naa, Ọnọrebu Oluọmọ fi sita fawọn oniroyin lọjọ Satide ana lo ti gbe oṣuba kare fun gomina tuntun naa pẹlu igbesẹ naa, nitori pe ẹbun bọọsi tuntun naa ti da ẹrin pa ẹẹkẹ awọn akẹkọọ.

Ninu atẹjade naa lo tun ti dupẹ lọwọ gbogbo awọn to ba a kẹdun lọjọ kẹtalelogun oṣu to kọja ti wahala nla naa ṣẹlẹ, to si tun sọrọ pẹlu igbagbọ pe awọn bọọsi min in tun ṣi n bọ lọna, eyi ti yoo si mu irọrun de ba ikẹkọọ awọn akẹkọọ.

PIN-IN KAAKIRI