Ẹ TUN WO AWỌN ỌMỌ YAHOO MẸWAA TỌWỌ TẸ L'ABUJA - IROYIN AWIKONKO

LÉRÉFÈÉ


Saturday, May 18, 2019

Ẹ TUN WO AWỌN ỌMỌ YAHOO MẸWAA TỌWỌ TẸ L'ABUJA

Lọjọ Fraide ana lọwọ awọn ajọ to n gbogun ti ṣiṣe owo ilu mọku-mọku, iyẹn EFCC niluu Abuja tun tẹ awọn ọmọ Yahoo mẹwaa min in, ti wọn si ni ọna bi wọn ṣe n jẹ aye fa-mi-lete-ki-n-tutọ lo koba wọn.

Awọn mẹwaa naa ni Habib Adeyẹmi, Lawal Kẹhinde, Victory Jẹmibọr, Sọlomọn Enuneke, Ubgehi Joṣhua, Tosan Ogbe, Onajite Ejovwo, Anthony Igbonoeme, Tunde Azeez ati Adeyẹmi Habib.

A gbọ pe awọn ara agbegbe tọwọ ti tẹ wọn lo ta awọn ajọ EFCC lolobo, tawọn yẹn si bẹrẹ iṣẹ iwadii, ko to o di pe omi dilẹ lẹyin asunṣujẹ wọn.

Mọto boginni-bọginni oriṣi meji ati ẹrọ kọmputa alagbeeka (Laptop) ti ko din ni mẹfa, foonu olowo nla mẹwaa ati iwe irinna kan la gbọ pe wọn gba lọwọ wọn.

Ajọ EFCC nigba ti wọn n fidi iṣẹlẹ naa mulẹ sọ pe awọn eeyan naa ko ni pẹ ẹ foju bale ẹjọ.

No comments:

Post a Comment

PÍN-IN KÁÀKIRI