ẸGBẸ WỌNLẸ-WỌNLẸ NIPINLẸ OGUN LAWỌN ṢETAN LATI FỌWỌSOWỌPỌ PẸLUU IJỌBA DAPỌ ABIỌDUN - IROYIN AWIKONKO

YAJO-YAJO

Thursday, June 13, 2019

ẸGBẸ WỌNLẸ-WỌNLẸ NIPINLẸ OGUN LAWỌN ṢETAN LATI FỌWỌSOWỌPỌ PẸLUU IJỌBA DAPỌ ABIỌDUN

Bi ijọba tuntun ṣe ti bẹrẹ nipinlẹ Ogun, Apapọ Ẹgbẹ awọn wọnlẹ-wọnlẹ lorilẹ-ede Naijiria, ẹka tipinlẹ Ogun, iyẹn Nigerian Institution of Surveyors ti sọ pe digbi lawọn wa lẹyin ijọba Gomina Dapọ Abiọdun ati igbakeji rẹ, Onimọ-ẹrọ Nọimọt Salakọ-Oyedele, ati pe awọn ṣetan lati fọwọsowọpọ pẹlu ẹ.

Ninu atẹjade ti awọn mẹrin fọwọ sii, eyi ti ẹda ẹ tẹ AWIKONKO lọwọ lai pẹ yi ni wọn ti jẹ ko di mimọ pe awọn ti ṣetan lati mu idagbasoke ba ipinlẹ Ogun nipa ṣiṣagbatẹru ijọba tuntun naa.
Awọn mẹrin naa ni Surv. Babatunde Ashaye to jẹ alaga apapọ; Sur Adewale Oluwafẹmi, alaga awọn aladani; Ọnọrebu (Sur) Lanre Ṣotayọ to jẹ akọwe ẹgbẹ lapapọ ati Sur Babatunde Ogunlami toun jẹ akọwe awọn aladani.

Wọn jẹ ko di mimọ pe awọn ti wa ni imurasilẹ lati mu ipinlẹ naa gun oke agba nipa ṣiṣagbatẹrun awọn eto to ba jẹ mọ iṣẹ ilẹ wiwọn, ati pe gbogbo nnkan ti Gomina Dapọ Abiọdun ba n fẹ lawọn yoo tẹle lati rii pe ilọsiwaju rere de ba ipinlẹ Ogun.

Bakan naa ni wọn wa a tun fi kun ọrọ wọn pe bi igbega ati idagbasoke ṣe jẹ ijọba Dapọ Abiọdun logun naa jẹ ẹgbẹ NIS logun nitori pe igbega ati idagbasoke lo le mu eto ọrọ aje ipinlẹ tabi orilẹ-ede dagba soke.

No comments:

Post a Comment

PIN-IN KAAKIRI