EYI NI BI WỌN ṢE LE NEYMAR KURO NINU IDIJE KỌPA AMẸRIKA - IROYIN AWIKONKO

YAJO-YAJO

Thursday, June 6, 2019

EYI NI BI WỌN ṢE LE NEYMAR KURO NINU IDIJE KỌPA AMẸRIKA

Iroyin ti ko dun mọ gbogbo awọn ololufẹ gbajugbaja agbabọọlu nni, Neymar ninu ni bi wọn ṣe kan an lẹsẹ nibi ifigagbaga ọlọre-sọrẹ ẹgbẹ agbabọọlu orilẹ-ede Brazil pẹlu Qatar, nibi ti Brazil ti pọ ata soju Qatar nipa aami ayo meji si odo.

Ori papa naa ni Ney,mar ti farapa gidi-gan an, to si mu ki egungun orunkun ẹ yẹ sẹgbẹ kan, eyi ti wọn ni yoo lo ọpọlọpọ oṣu lati fi gba itọju ko too le pada sori papa iṣere bọọlu.

Awọn to n ṣagbatẹru idije bọọlu Brazilian Football Confederation (CBF) lo fidi iṣẹlẹ naa mulẹ pe Neymar ko ni lanfaani lati kopa lasiko.

Ibanujẹ nla la gbọ pe o ti ko gbogbo awọn ṣagbatẹru idije South American continental championship to n bọ lọna sii, nitori pe ọkunrin ọmọ orilẹ-ede Brazil naa ni wọn nifẹ si juu ninu gbogbo awọn to fẹẹ kopa patapata.

Ko ju bi oogun iṣẹju ti wọn bẹrẹ ifigagbaga pẹlu orilẹ-ede Qatar la gbọ pe wọn ṣe Neymar leṣe lori papa, ti wọn si yọọ jade lẹsẹkẹsẹ, iyẹn lalẹ ana, Wẹside lori papa Brasilia’s Mane Garrincha.

No comments:

Post a Comment

PIN-IN KAAKIRI