Pupọ awọn to ri ayederu babalawo kan tọwọ ajọ to n gbogun ti ṣiṣẹ owo kumọkumọ, iyẹn EFCC nibi to ti n sunkun ni wọn tun n gbe e ṣepe nla-nla lọjọ Iṣẹgun ana an, ẹni ti wọn loo ti lu ogunlọgọ awọn eeyan ni jibiti obitibiti owo.
Fatai Ọlalere Aliu ni wọn pe orukọ ayederu babalawo naa, ti wọn ni ẹtanjẹ lo fi n gba owo lọwọ awọn eeyan pe oun fẹẹ tan iṣoro aye wọn. Ile ẹ to wa lagbegbe Kisumu, Odo-Ọna Elewe, Ibadan lawọn EFCC ti lọ ka a mọ.
A gbọ pe o ti le loṣu meji tawọn ajọ naa fi tọpinpin ẹ ko too di pe wọn lọ ọ ka a mọ, lẹyin ti wọn ri oriṣiriṣi ẹri aridaju ti wọn le fi tako o nile ẹjọ. Iyalẹnu ni wọn lo ojẹ fawọn araadugbo naa nigba ni kete ti wọn tu aṣiri ẹ sita.
Oun funra rẹ lo si mu awọn EFCC lọ si ojubọ ẹ to wa ninu igbo kijikiji nla kan to wa loju ọna Ibadan si Ijẹbu-Ode mọ agbegbe Kọbọmọjẹ, nibi to ti n lu awọn eeyan ni jibiti owo pẹluu ẹtanjẹ ati agbari ti wọn lo n lo fun wọn.
Mọto nla bọgini meji ni wọn gba lọwọ ẹ, ti wọn si tun ti awọn ile olowo nla mẹta to kọ kọ siluu Ibadan pa. Iwadii ṣi n lọ lọwọ gẹgẹ bi a ṣe gbọ.
No comments:
Post a Comment