Ibeere tawọn kan n beere lasiko
yi ni pe “Tani Alaga Ajọ Iforukọsilẹ Okoowo ati Ileeṣẹ, iyẹn Corporate Affairs
Commision” lorilẹede Naijiria lọwọlọwọ bayii, ti ko si tii sẹni to le fidi ẹ
mulẹ pe ẹni bayi ni.
Ohun tawọn kan n sọ ni pe
Gomina ipinlẹ Ogun, Ọmọba Dapọ Abiọdun ṣi ni alaga ajọ iforukọsilẹ titi dasiko
yi, ṣugbọn ti a ko tii le fidi rẹ mulẹ, latari pe Aarẹ Muhammadu Buhari ko tii kede ẹlomin in, tabi yan alaga fidihẹ min in.
Fawọn to ba mọ, tabi awọn ti ko
ba mọ, ọjọ kinni, oṣu kẹta ọdun to kọja, iyẹn 2018 ni Aarẹ Muhammadu Buhari ṣe ibura fun Gomina
Dapọ Abiọdun gẹgẹ bi alaga ajọ naa niluu Abuja.
Ni nnkan bi oṣu kẹsan an ọdun
to kọja ni Ọmọba Dapọ Abiọdun darapọ mọ idije ipo Gomina ipinlẹ Ogun, eyi to
pada gbe e wọle loṣu kẹta ọdun.
Ṣugbọn ohun to n ṣe ọpọ awọn
eeyan ni kayeefi titi di asiko ti a ṣakojọpọ iroyin yi tan, ni pe ko tii sẹni to
le fidi rẹ mulẹ pe Ọmọba Dapọ Abiọdun ti kọwe fipo silẹ gẹgẹ bi alaga ajọ naa.
Gẹgẹ bi a ṣe gbọ, apa kan ninu
iwe ofin ẹgbẹ oṣelu All Progressives Congress to gbe Gomina Abiọdun fi ye wa pe
“Ẹnikẹni to ba ni ifẹ lati du ipo oṣelu lorilẹede Naijiria labẹ asia ẹgbẹ naa
gbọdọ kọwe fipo ijọba tabi iṣẹ yoowu to le maa ṣe silẹ, to si gbọdọ fi iwe
aridaju han lẹyin ọgbọn ọjọ to ba kede ifiposilẹ.” (Article 30, subsection III).
Iyalẹnu lo jẹ nigba ti
wọn sọ pe Ọmọba Dapọ Abiọdun ko tii kọwe fipo silẹ ko too gbe apoti, ati paapaa
lẹyin ti wọn dibo yan an gẹgẹ bii Gomina ipinlẹ Ogun.
Ohun to jẹ ki ọrọ naa jade sita
ni pe ko tii si iroyin kankan to le fidi rẹ mulẹ titi dasiko yi pe ẹlomin in ti
gba ipo alaga ajọ iforukọsilẹ (CAC), eyi gan an lo jẹ aridaju pe ipo nla meji ọtọọtọ
ni Gomina Abiọdun n di mu lorilẹede Naijiria, to si jẹ pe bo ṣe gba owo oṣu
gẹgẹ bi alaga ajọ CAC naa lo n gba owo oṣu gẹgẹ bi Gomina.
Iwadii ti a ṣe lọ si ori
ayẹlujara ajọ iforukọsilẹ http://new.cac.gov.ng/home/chairman-acting-registrar-generalceo-cac-visited-rwanda-high-commission-office-abuja/
fi ye wa pe Gomina Abiọdun ṣi ni alaga.
Gbogbo akitiyan lati ba akọwe iroyin
Gomina, Ọgbẹni Kunle Ṣomọrin sọrọ lati gbọ tẹnu ẹ lo ja si pabo dasiko ti a
ṣakojọpọ iroyin yi tan.
No comments:
Post a Comment