Ika abamọ ni Pasitọ ṣọọṣi Ridiimu to jẹ ti Baba Adeboye kan, Michael Ayanrinde mu sẹnu laipẹ yi nigba ti aṣiri ẹ tu nibi to ti n ba ọmọdebinrin, ọmọdun mọkanla kan ta a fi orukọ bo laṣiri ṣere ifẹ niluu Ekoo.
Ohun to tun jẹ kọrọ naa ṣe ọpọ awọn eeyan ni kayeefi pupọ ni bo tun ṣe jẹ pe inu ṣọọbu iya ọmọ naa ni Pasitọ Michael, ẹni ọdun mẹtadinlaadọrin (67) lọọ ka ọmọdebinrin yi mọ, to si n fọwọ tẹ ọmu rẹ mejeeji.
AWIKONKO gbọ pe ibi ti Pasitọ yi ti n ṣe eyi lọwọ lawọn kan ti wọn sunmọ ṣọọbu na ti ka a mọ, ti wọn si pariwo lee lori, ko tooo di pe awọn eeyan pe lee lori, ti wọn si bẹrẹ si ko igbaju ati igbamu bo o.
Awọn ti mọ ofin daadaa la gbọ pe wọn gbawọn nimọnran pe ki wọn lọọ fa Pasitọ naa le awọn agbofinro lọwọ, to si jẹ pe titi dasiko ta a ṣakojọpọ iroyin yi tan, teṣan ọlọpaa ni Pasitọ Michael Ayanrinde wa, nibi to ti n sọ nnkan to ri l'ọbẹ, to fi waaru ọwọ.
Am not a redeem member but this one is a lie
ReplyDelete