MAKINDE SỌ OWO ỌKADA DI ỌGỌRUN NAIRA, O TUN L'AWỌN ỌLỌKADA YOO GBA KAADI IDANIMỌ - IROYIN AWIKONKO

YAJO-YAJO

Friday, February 21, 2020

MAKINDE SỌ OWO ỌKADA DI ỌGỌRUN NAIRA, O TUN L'AWỌN ỌLỌKADA YOO GBA KAADI IDANIMỌ

Ijọba ipinlẹ Ọyọ ti ṣetan lati gunle ipese kaadi idanimọ fawọn ọlọkada jakejado ipinlẹ naa lọna ati dena iwa ọdaran ati apọju awọn ọlọkada nipinlẹ naa.

Bakan naa, gomina ipinlẹ Ọyọ, ṣeyi Makinde ti pàṣẹ pe ki adinku ba igba naira owo ojumọ ti awọn ọlọkada yẹ ko san si ọgọrun naira.

Kọmiṣanna feto isẹ ode, ipese awọn ohun eelo amayedẹrun ati igbokegbodo ọkọ nipinlẹ Ọyọ, Raphael Afọnja lo ṣiṣọ loju ọrọ yii lasiko to n b'awọn akọroyin sọrọ.

Bakan naa lo fi kun un pe gomina Makinde ko fẹ fi kun ajaga awọn araalu lo ṣe mu adinku ba owo t'awọn ọlọkada yóò maa san, ti yoo si tun pese kaadi idanimọ fun gbogbo ojulowo ọlọkada pata to n ṣiṣẹ aje nipinlẹ naa.

Gẹgẹ bi Afọnja ti wi, ijọba fẹ gbe igbesẹ naa lati le mọ ojulowo ọlọkada yatọ si awọn to jẹ asawọ laarin wọn nitori gbogbo alaamu lo da ikun delẹ, a ko mọ eyi ti inu n run ninu wọn.


"Ta ba wo bi ijọba ṣe f'ofin de awọn ọlọkada ati oni kẹkẹ Maruwa nipinlẹ Eko, ọpọ wọn lo ya wa sipinlẹ Ọyọ, a si ti pinnu pe a fi ka ṣ'eto kaadi idanimọ f' awọn ọlọkada naa, ka le mọ ẹni ninu ẹni.

Bakan naa ni kọmiṣanna fun isẹ ode fikun pe ijọba Ọyọ yoo ṣiṣẹ pọ nifọwọkọwọ pẹlu awọn oṣiṣẹ ajọ ẹṣọ oju popona FRSC pẹlu awọn ẹka to n pawo wọle labẹle lati ṣe akojọpọ orukọ nipa awọn ọlọkada ero ati aladani, eyi ti yoo tun wulo fun awọn agbofinro pẹlu.


Afọnja ni "Aṣigbọ kan lo waye laarin wa pẹlu ajọ to n pawo wọle ati ileeṣẹ eto iṣuna, ohun ta gbọ ni pe igba naira lawọn ọlọkada yoo maa san lojumọ, nigba ti gomina Makinde gbọ, ko ba a lara mu rara, to si ni ka mu adinku ba owo ojumọ ti awọn ọlọkada n san lati igba naira si ọgọrun naira."

Kọmiṣanna ni gareeji ọkọ kọọkan ni wọn yoo ti maa gba owo yii bẹrẹ lati oni, ọjọ Ẹti lọ, to si n rọ awọn ọlọkada lati fọwọsowọpọ pẹlu ijọba ipinlẹ Ọyọ.

Lati BBC

No comments:

Post a Comment

PIN-IN KAAKIRI