IDAAMU DE B'AWỌN OṢIṢẸ ILE-ẸKỌ GBOGBONIṢE, WỌN JI OLUKỌ KAN AT'AWỌN ỌMỌ MEJI GBE - IROYIN AWIKONKO

YAJO-YAJO

Sunday, November 15, 2020

IDAAMU DE B'AWỌN OṢIṢẸ ILE-ẸKỌ GBOGBONIṢE, WỌN JI OLUKỌ KAN AT'AWỌN ỌMỌ MEJI GBE


Ọkan awọn oṣiṣẹ ile ẹkọ giga gbogboniṣe ti Nuhu Bamali to wa n'ipinlẹ Kaduna ko balẹ rara lasiko ti a ṣakojopọ iroyin yii tan lori b'awọn ajinigbe ṣe ji ọkan lara awọn olukọni wọn gbe.
 
Akọwe iroyin ile-ẹkọ gbogboniṣe naa, Ọgbẹni Abdullahi Shehu lo f''idi ọrọ naa mulẹ f'awọn oniroyin lonii ọjọ Aiku ti i ṣe Sannde.
 
Ọkunrin naa ni inu ile ti wọn n gbe, eyi to wa ninu ọgba ile-ẹkọ naa ni wọn ti ji olukọ wọn to wa ni ẹka ikẹkọọ imọ ẹrọ, iyẹn School of Engineering at'awọn ọmọ kekeeke meji naa gbe.
 
O tun jẹ ko di mimọ pe baba awọn ọmọ meji ti wọn ji gbe yii l'awọn ajinigbe fi ibọn fọ lori, to si l'awọn eeyan ti gbe e lọ si ọsibitu fun itọju.

No comments:

Post a Comment

PIN-IN KAAKIRI