Awọn oniṣẹ ọwọ gbe oṣuba kare fun Gomina AbdulRazaq - IROYIN AWIKONKO

YAJO-YAJO




Friday, August 20, 2021

Awọn oniṣẹ ọwọ gbe oṣuba kare fun Gomina AbdulRazaq


Ẹgbẹ awọn oniṣẹ ọwọ kaakiri ipinlẹ Kwara, Kwara State Artisan Congress ti gbe oṣuba kare fun Gomina AbdulRahman AbdulRazaq lori awọn akanṣẹ iṣẹ idagbasoke manigbagbe to n ṣe latigba to ti de ori ipo.

Wọn tun lu gomina naa lọgọ ẹnu pẹlu bo ṣe yi oju iṣakoso pada si ti araalu, t wọn si lawọn ṣetan lati gbaruku ti i lati tẹsiwaju lọdun 2023.
 
Aarẹ ẹgbẹ naa, Alaaji Jimọh Adeṣina nigba to n sọrọ sọ pe awọn ko le ṣai panumọ lati sọ ododo wi pe gomina n ṣe kọja ohun tawọn eeyan lero wi pe o le ṣe, ṣugbọn to ya awọn eeyan lẹnu, pẹlu bo ṣe sọ ijọba rẹ di ijọba mẹkunnu.

Lakooko ti wọn n ba oludamọran pataki fun Gomina AbdulRazaq lori ọrọ eto oṣelu, AbdulLateef Alakawa sọrọ ni wọn ti sọrọ yoo, ti wọn si lawọn ti n gbaradi fun idibo ọdun 2023 lati le gbaruku ti i.

No comments:

Post a Comment



PIN-IN KAAKIRI