Ijọba Kwara tun gbe iṣẹ akanṣe opopona tuntun jade - IROYIN AWIKONKO

    • LÉRÉFÈÉ


    Friday, May 3, 2024

    Home IROYIN Ijọba Kwara tun gbe iṣẹ akanṣe opopona tuntun jade

    Ijọba Kwara tun gbe iṣẹ akanṣe opopona tuntun jade


    Ijọba ipinlẹ Kwara labẹ iṣakoso Gomina AbdulRahman AbdulRazaq ti buwọ lu iṣẹ akanṣe opopona tuntun ti kilomita jẹ kilomita marundinlaadọrun (84.7km).

    Eyii ni lati mu idagbasoke ba eto iṣẹ agbẹ ati ọgbin labẹ aburada ti wọn pe ni Kwara State Rural Access and Agricultural Marketing Project (RAAMP).
     
    Biliọnu mẹsan le lọọdunrun (₦9.3b) naira la gbọ pe ijọba yoo na lori awọn opopona tuntun wọnyi, lati le mu ki igbokegbodo ọkọ tẹsiwaju kaakiri ipinlẹ naa.
     
    Alakoso RAAMP, Onimọ-ẹrọ Isaac Kolo lo sọ eyi di mimọ niluu Ilọrin laipẹ yii lasiko to n buwọ lu iwe adehun laarin ijọba ati awọn agbaṣẹṣe ti iṣẹ naa ja mọ lọwọ.

    Kolo, ẹni to ṣapejuwe iṣakoso Gomina  AbdulRahman AbdulRazaq, o ni ọrẹ araalu to n fẹ alaafia ati ẹmi gigun fun awọn eeyan ni.
     
    O ni igbagbọ ati aridaju ti wa pe iṣoro igbokegbodo ọkọ to ja geere yoo di ohun igbagbe laipẹ, paapaa lawọn igberiko to wa kaakiri ipinlẹ naa.
     
    Awọn agbaṣẹṣe ọhun ni RAFALI Nig Ltd, NBHH Nig Ltd, Fik Contracting Engineering Ltd, Tundis Nig Ltd, ati Heriprom Engineering Ltd.

    Lara awọn opopona ti wọn yoo ṣe ni atunṣe awọno opopona to tin dẹnu kọlẹ lawọn igberiko to jẹ kilomita mẹrindinlaadọrin ataabọ (66.5Km) ni ijọba ibilẹ Asa, Ilorin West/East, Oyun, ati Edu.

    Awọn miran ni Mondala-Yowere-Agbonna 12.485 Km; Gerewu-Eiyekorin-Okolowo Express 3.069 Km; Panada-Oloro, 5.428 Km; Inaja-Alaro-Inaja maliki, 6.215 Km, Ijagbo-Aperun-Adeleke-Igbawere 6.85 Km; Kpandarako-Ginda-Kusomunu-Kachitako, Tsakpata Lealea-Gulufu-Bacita, 22.89 Km; ati Lafiagi-Effagi-Putata, 9.525 Km; ti apapọ rẹ jẹ 66.46 Km.
    Tags
    PIN-IN KAAKIRI
    Author Image

    NIPA IROYIN AWIKONKO

    By at
    Tags:

    No comments:

    Post a Comment

    Subscribe to: Post Comments (Atom)

    PÍN-IN KÁÀKIRI

    Author Details

    Ile-iṣẹ AWIKONKO MEDIA CHANNEL lo n gbe IROYIN AWIKONKO jade pẹlu ontẹ Ijọba orilẹ-ede Naijiria labẹ ajọ iforukọsilẹ nni, iyẹn CORPORATE AFFAIRS COMMISSION. A fẹ ki ẹyin ti ẹ n ka Iroyin Awikonko mọ daju pe a ko ni i gba ẹnikẹni laaye lati ṣe ẹda iroyin wa, tabi gbe e jade ninu iwe iroyin min in lai gba aṣẹ lọwọ awọn alaṣẹ wa, ẹsẹ ofin la o fi gbe onitọhun. Bẹẹ, a ko ni fẹ ki ẹnikẹni ṣi iroyin wa ka, nitori pe iwadii kikun la n ṣe ka to le gbe iroyin jade, nitori naa, bi ẹ ba ka ifọrọwerọ pẹlu eeyan, ohun ti ẹni naa ba sọ, ki i ṣe awa la sọ ọ, ẹni naa lo sọ bẹẹ. Fun alaye lẹkunrẹrẹ, tabi ipolowo ọja yin, ẹ le kan si wa lori: +2347012342712.