Titi di asiko yii ni iku Alaaji Adejojo to jẹ baba Kolawole Atanda Adejojo, ẹni tọpọ awọn ololufẹ rẹ mọ si Kasnaty Sugar ṣi n jẹ kayeefi fọpọ awọn to gbọ.
Kasnaty Sugar funra rẹ lo kede iku baba rẹ laarọ oni, ọjọ Iṣẹgun, Tusidee loju opo Facebook.
Nigba to n kede, o ni "ALHAJI ADEJOJO Inna Lila hi waina ilaehin rojeehun, baba mi ku laarọ oni........"
Ọpọ awọn ololufẹ ọkunrin naa ni wọn ti n ba a kẹdun latigba naa, ti wọn si n gbadura fun un.
Odu ni Kolawole Atanda Adejojo lagbo iṣẹ pedepede nipinlẹ Ogun, to si tun gbajumọ daadaa lori ayelujara.
Nigba to n kede isinku baba rẹ, o sọ pe Ọjọru, ọsẹ yii, ọjọ kẹjọ, oṣu Kẹwaa, ọdun 2025 ni wọn yoo sinku baba rẹ nilana musulumi ni itẹku Al-Sunah to wa ni Olomore Housing Estate, Abẹokuta.
Kasnaty jẹ ko di mimọ pe agogo mẹwaa aarọ ni wọn yoo sinku naa.
No comments:
Post a Comment