APC: Won ja Alaga Kansu sihoho nita gbangba ni Odeda - IROYIN AWIKONKO

YAJO-YAJO

Thursday, January 19, 2017

APC: Won ja Alaga Kansu sihoho nita gbangba ni Odeda

Nibi ti oro de duro bayii, bi awon oloye egbe oselu APC nipinle Ogun ko ba tete da si wahala to n sele, o see se ki won maa lepa emi ara won, nitori bi won se n fojoojumo koju ija si ara won.

Lati nnkan bi osu meloo kan seyin ni wahala ti n be sile ninu egbe oselu APC nijoba ibile naa, laarin alaga won, Pasito Olawale Onaolapo atawon kan ti won dipo oselu mu ninu ijoba Amosun.

Won ni ojoojumo ni won n wa ona lati da nnkan ru mo alaga won naa loju, eyi gan an lo fara han ti won fi ja okunrin naa sihoho nita gbangba nilu Ota lakoko ti won n se ayeye oku alaga egbe oselu APC nipinle Ogun, Oloye Adeniji, Baba Komputa.

Se ni won lu okunrin naa bi eni lu bara leyin ti won ja sihoho tan lojo naa, tawon eeyan si bere sii fi de yeye nibi isele naa.

Pasito Onaolapo jo je ki itiju naa dun oun, se lo muu Mora lai mo pe nnkan to fee se wa ninu okan e, idi ni yi ti won fi loun naa ran awon toogi lo sibi ayeye ibura awon kanselo to waye ni Odeda, tawon yen si sa awon eeyan lada nibe repete.

Bakanna, irufee ija yii tun waye ni agbegbe Obantoko l'Abeokuta nibi ayeye oku iya okunrin oloselu kan ti won n pe ni Olasehu. Ija naa waye laarin Osiele ati alukoro egbe oselu APC nijoba ibile naa ti ma n pe ni Aro Shittu.

Won ko je ki won lu ara won ni Obantoko, sugbon nigba ti won de Adatan, lawon mejeeji se bee koju ija sira won ti won lu ara won bo se wu won.

Awon kan so pe lakoto ti won n lu ara won ni akowe ijoba ipinle Ogun, Taiwo Adeoluwa koja, sugbon iran lo n fi won wo, ko sokale ninu moto to fi lo ni  tie.

AWIKONKO gbo pe, okunrin kan to ti je alaga ijoba ibile ni Odeda tele, ati agbejoro kan toun naa n se oselu, to n sise pelu Amosun ni won so pe o wa leyin awon to n doju ija ko alaga egbe oselu APC nijoba ibile naa, iyen Pasito Onaolapo.

Titi di akoko yii ni awon eeyan naa si leri sira won, ti won si ni gomina gan an ko tii bawon da si, eyi lo faa tawon omo egbe APC fi je gbajari pe ki won gba awon lowo awon toogi ti won ti n lepa emi ara won nijoba ibile naa.


Bakanna ni won so pe owo obinrin kan to sese je alaga ijoba idagbasoke ni Ilugun Odeda, Arabinrin Mofoluke Soremekun ko mo si wahala to n sele, oun naa si wa lara awon to n fi toogi hale kaakiri igboro.

No comments:

Post a Comment

PIN-IN KAAKIRI