IMAN fee fi Aami eye da Ambrose Somide ati Seye Kehinde lola - IROYIN AWIKONKO

YAJO-YAJO

Thursday, May 25, 2017

IMAN fee fi Aami eye da Ambrose Somide ati Seye Kehinde lola

Iroyin to n lo kaakiri igboro bayii ni ti iroyin ajo kan to n gbe esin Islam laruge lorileede Naijiria, iyen Islamic Music and Associated Nominees (IMAN) to fee fun awon ogbontarigi lawujo lebun Ami Eye, Awoodu lojo Eti Fraide ojo kerinla osu keje odun yi.

Seye Kehinde ati ambrose Somide
Gege bi AWIKONKO se gbo, Oludasile iwe iroyin City People, Onarebu Seye Kehinde; Oga agba nileese Daar Communication, Ambrose Olutayo Somide lawon ti ajo IMAN fee fi Awoodu da lola latari ipa ti won n ko nipa agbelaruge esin Islam kaakiri agbaye.

Kii se awon meji yi nikan ni IMAN fee da lola, lara awon ti won tun fee fie bun Awoodu da lola ni ogbontarigi olorin Islam, Alaaji Abdul-Latifu Oloto; Ogbeni Sunday Esan, oludasile Okiki Films; Alaaja Kafilat Kaola, ogbontarigi ninu esin Islam; Alaaji Abdul-Wasiu As-Sideeq, gbajumo olorin Islam; Alaaji Bolaji Bello, gbajumo agborinjade; Ogbeni Dare Zaka, oludari orin; Alaaji Musiliu Akinsanya, akapo egbe awako NURTW nipinle Eko ati Alaaja Rashidat Omobolanle.

Bo tile je pe se ni won maa n dibo yan awon ti won ba fee fun lami eye Awoodu yi ni, sugbon ajo IMAN to n sagbateru eto lodoodun ti wa so pe looto lawon eeyan mewa yi maa wa lara awon ti won maa dibo yan, sugbon idibo naa ko le da won lowo ko pe ki won ma fun won lami eye to to si won gege bi ipa ti won n ko.

Isori-isori lawon ti won si maa n fie bun Awoodu yi da lola lodoodun, sugbon ilana ti won ti fi da eto yi sile nipa idibo ko le so pe kawon eeyan pataki ti won ti ya soto yi ma gba eto won.

Won ni ko si ojusaaju ninu ebun Awoodu ti won fee fun awon eeyan, atipe laipe yi ni won yoo gbe idibo naa jade sori ero ayelujara ti won ti n seto e lowo.

AWIKONKO tun rii gbo pe akori ayeye todun yi ni won pe ni “The Hall of Fame”.

No comments:

Post a Comment

PIN-IN KAAKIRI