Kayeefi ma leyi o; Won pa ololufe meji sinu ile loru mojumo - IROYIN AWIKONKO

YAJO-YAJO

Tuesday, July 25, 2017

Kayeefi ma leyi o; Won pa ololufe meji sinu ile loru mojumo

Titi di bi a ti n koroyin yi lowo lawon olugbe agbegbe Ojodu Berger nijoba ibile Ifo ipinle Ogun si fi n gbe ninu iberubojo nitori ti won so pe won ko le sun ki won di oju mejeeji mo bayii latari tawon ololufee meji kan tawon kan sekupa loru moju ojo Eti Fraide ose to koja.

Oku won
Gege b’AWIKONKO se gbo, adugbo kan ti won pe ni Hassan Abiodun to wa lagbegbe Ojodu Berger ni won lawon kan ti won ko tii le so ni pato loo seku pa Bode Ojugbele ati ololufee e, iyen Ifedayo Bolanle, eni ti won so pe oun lo gbale sinu ile ti won ti seku pawon mejeeji.

Bawon kan se n so pe oro naa lowo ninu, kii soju lasan, bee lawon kan n so pe o le je awon omo Baddoo mujemuje lo wa nidi oro naa, nitori ti won so pe se ni won fi nnkan fo ori awon mejeeji, ko too di pe won ku patapata.

sugbon gege bi iwadii t’AWIKONKO se, o fi ye wa pe enikan ti a ko tii moruko e titi di bi a ti n koroyin yi, iyen eni to je ololufee Ifedayo tele lo wa nidi oro naa.

Ohun taa gbo ni pe Bode loo ki ololufe e, Ifedayo nile nirole Ojobo Tosde, lero wipe ko lo opin ose naa pelu e, sugbon nigba to di oru oganjo tawon mejeeji sun gege bi loko laya la gbo pe awon kan gba oju ferese wole lati sise ibi naa.

Okan lara awon araadugbo naa to b’AWIKONKO soro leyin isele, eni to ni ka foruko boun lasiri so pe ko seni to le so igba tawon odaran naa wole to won, ati pe yara olopaa kan wa nitosi ferese tawon eeyan naa gba wole, sugbon ti lo seni to gbo ariwo lasiko ti won wole to won.

Eni naa so pe awon mejeeji si bawon araale naa sere lale ojo Tosde naa, ti Bode si ti seleri pe ibe loun ti maa lo opin ose naa pelu won ko too di pe onikaluku won wole loo sun, lai mo pe olojo awon ololufe naa ti wa nitosi.

O lawon ko ti e tete fura pe nnkan ti sele si won loru mojumo, ati pe nigba tawon ko tete ri won ki won bo sita lo je kawon woo pe ki lo n sele, eyi lo faa ti won ni loo kan ilekun won, sugbon ti ko seni to dahun ninu awon mejeeji.

Igba toro naa fee koja oju ti won fi n woo, ni won ronu pe kawon loo gba oju ferese wo won, sugbon se ni won lanu sile nigba ti won rii pe gbayawu ni ferese naa wa, ti won ti fi obe ya gbogbo neeti to wa nibe.

Eni kan naa tun je ko ye wa pe osu kejila odun yi lawon mejeeji n gbiyanju lati segbeyawo alarinrin leyin tiyawo baa bimo inu e tan, nitori ti won so pe oyun to wa ninu e ti le ni osu marun, eyi to si seese, ko bii laipe.

AWIKONKO gbo pe awon olopaa ekun Ojodu Abiodun ni won gboku awon oloogbe mejeeji pelu aso ibora ti won fi sun lo si mosuari osibitu jenera to niluu Sagamu fun ayewo.

Nigba to n jeri soro naa, ati lori ibi tise iwadii won de, agbenuso fawon olopaa ipinle Ogun, Abimbola Oyeyemi so pe aheso oro lasan lawon araadugbo n so wi pe awon omo Baddoo lo wa nidi oro naa, nitori gege bi iwadi tawon se, ati nnkan taburo okan lara awon oloogbe naa so je ko ye won pe ija wa laarin eni tomobinrin naa n fe tele, ati oko afesona e to doloogbe yi.

Abimbola so pe orisirisi ateranse to mu ifura iku dani lokunrin tawon si n sewadi e yi te ranse si Bode to ku pelu ololufe e yi ati eni naa. O ni bo tile je nnkan to fee sele ti sele, sugbon iyen ko so pe kawon ma sise awon lati ri odaran naa mu.

Bee lo gbawon araalu lamoran pe ki won tubo maa nifura pupo, paapaa to ba doru nitori ko se ni to le so nnkan to maa sele.

AWIKONKO gbo pe titi di bi a ti n koroyin yi lawon olopaa fi n wa ladugbo naa losan ati loru lati le kefiri awon odaran naa.

No comments:

Post a Comment

PIN-IN KAAKIRI