Esin igbagbo lo yi esu Yoruba pada si tinu bibeli – Ojogbon King

Ojogbon Adeshina Sikiru Salami to je oludasile ajo Centre for Yoruba Traditional Culture ti so pe esin igbagbo (Christianity) lo yi esu tawon Yoruba nigbagbo ninu e pada si eyi to wa ninu bibeli ati Kuraani. O ni esu to wa ninu bibeli tawon elesin igbagbo n so nipa yato si esu tawon elesin abalaye nigbagbo e.

 

Ojogbon King

Ojogbon Adesina topo mon on si Ojogbon King lo soro yi lakoko to n b’AWIKONKO soro laipe yi nilu Abeokuta nibi ti won ti si ile Asa Ile Yoruba ladugbo Nawair-Ud-Deen, Isabo niluu Abeokuta lojo kokanlelogun osu to koja.

O ni bawon Yoruba se laju to, o seni laanu pee sin igbagbo ti won gbe waa ka won mole losan gangan lo yi igbagbo won pada, ti won pa esin ati asa won ti segbe kan, ti ko je ki won nigbagbo ninu e mo bi won se ba a laye.

Ninu oro e, o so pe “Nigba ti mo pari iwe giga, ti mo pada wa sile lodun 1985, ti mi o rikan sekan, lo je ki n pada lati loo kawe sii, ti mo si kekoo gboye Ojogbon. Fasiti Sampoulo ni mo lo, nibi ti mo ti kekoo nipa Management, BsC. Mo tun tesiwaju lati kekoo ipele keji Masters, ki n too kekoo gboye PhD, to si je pe Yoruba ti mo mu lokunkundun.

“Mo ti kowe bii marun nipa esin Yoruba. Mo ti kowe nipa esu. Esin igbagbo lo yi esu pada. Esu to wa ninu bibeli yato esu ti a n sin. Olaju awon onigbagbo yato si olaju ile Yoruba. A o si le so pe ikan naa ni esu ti Yoruba nigbagbo ninu ati esu to wa ninu bibeli pelu kuraani. A o le fi won we ara won, ko seese. A kan n tan ara wa je ni.

“Onikaluku lo le se esin to ba wuu, sugbon eeyan ko gbodo gbagbe orisun. Awa Yoruba ti laju sodi. Mo maa n rin kaakiri gbogbo agbaye ni lati maa fun won lekoo nipa asa ile Yoruba. Beeyan baa n lo Soosi tabi Mosalasi, ko nilo lati maa wo awon elesin min in gege bii pe won o laju. Awon ti won n bu won ni won o laju. 

“Olorun to da gbogbo wa ko da wa dogba, ika wa o dogba, a o si le so pe nitori pe ika kan ko ba eyi to ku dogba, ka wa ge e danu. Gbogbo awa omo Yoruba la ba orisa ati esin Yoruba nile, ajogunba ni. 

“Awa Yoruba, a ni ogbon, sugbon a o lo ogbon wa mo. Opo awon to mo Pataki isese ni won wa nibi lati sagbelaruge e, nitori e lawon Oyinbo mejidinlaadota tun se wa lati orileede Spain. Nigba tawon eeyan n so orisirisi, mo je ko ye won pe se oogun tabi ofo mi lo le lagbara to ki n ko awon oyinbo to po bayii wa si Naijiria.

“Asa Yoruba, ti won fi ko wa pe ka maa se otito lo je ki won nigbagbo ninu mi, ti won si tele mi wa si Naijiria. Ooto ti mo fi ko won sona isedale ati isese ile Yoruba, bi a se n se, lo wu won lori lati wa ba was ii.”

Ojogbon Salami ni ki asa ati isedale Yoruba ma baa parun lo je koun maa tan an kaakiri agbaye, lati mo pee sin kan wa, tawon eeyan tun gbodo maa se agbelaruge e, esin Yoruba ni, tawon eeyan n gba a ni towo tese.

“Mo ti ba Asa yi debi pe ijoba orileede Slovenia fi sinu iwe ofin won gege bi okan lara awon esin ti won n sin. Won ni ninu awon esin tawon fowo sii, orisa wa nibe. Ministry of Internal Affairs so pe awon fowo si esin orisa. O wu mi pe kawon omo Yoruba min in naa le se iru eleyi ti mo n se yi. Yoruba laju, sugbon o seni laanu pe bi a se laju sii, a o tele ona, nitori pe won ro pe nipa esin nikan ni asa Yoruba.”

Ni ti ile asa ile Yoruba ti won si naa, o so pe “Eyi ti a n se lonii ni a n pe ni sisi ile Asa Ile Yoruba, ti a se akosile ninu iwe, ti a n pe ni Centre for Yoruba Traditional Culture, nibi ti a ti ma maa se orisirisi nkan ti awon eeyan maa fi mo pe asa Yoruba si wa laye, ko kuu.

“Awon eeyan maa ri orisiri nkan bi eyi tawon onifa n lo, tawon oni gelede n lo, tawon eleegun n lo, atawon nnkan to ba je mo asa ibile Yoruba ni won maa ba nibi. Ti awon olorisa ba ni ipade lati se, won le se e nibi. A tun lo anfaani gege bi ajo (foundation) to je pe awon to ba nisoro to je mo ti ibile, nkan to ba ye ka se fun won la maa se e."

Nigba to n soro nipa onigbowo, Ojogbon King so pe “Ijoba ko se onigbowo e, emi funra ni mo se onigbowo e, nitori pe nnkan ti mo nigbagbo ninu e ni, ijoba ko si da sii. Eyi to wa nibi kere si eyi ti mo ko si Oke Ata. Eyi to wa niluu Oyinbo naa tun ju gbogbo eyi to wa nibi lo.

Okunrin naa loun ko le gba ijoba nimoran nitori pe won ni asoju, iyen minisita ati komisana nipa asa ati ise, ise won si ni lati rii daju pe asa ati ise wa ko pare, ti ko si seni to le ko won bi won se maa sise won, nitori pe won kaju e ni won se fi won se asoju naa.

O ni boun se mo toun n se loun se n se e, toun ko se le fun won lamoran nigba toun ko si ninu isejoba, tabi alaforolo won. O so pe kawon omo Yoruba ma gbagbe pe asa ibile Yoruba, adayeba ni, nnkan ti won fi bi won ni, won o si gbodo gbagbe e.

Nipari, o ni gege bi nnkan ti Yoruba fi n ko awon omo won, “Omo Yoruba kii jale, kii puro, kii se sogun-dogoji. Nitori e lo se je pe ti awon Oyinbo ba ti ri eni to n se otito peluu won, ko sibi ti won o le baa de. Ooto ti mo ni lo je kawon oyinbo to po to yi tele mi wale, ko seni to seru e ri, e loo wadi e. Ko si esin teeyan n se laye yi ti Olorun ko gbo adura e. Ki elesin kan ma bu elesin keji, Olorun ko fe iru e. Ki orisa atawon emi ti a n sin le gbo adura la se n sin won, kii se lati fi figagbaga.”