Gbenga Daniel ko nibi to n lo ninu egbe oselu PDP - Bayo Dayo - IROYIN AWIKONKO

YAJO-YAJO

Monday, November 6, 2017

Gbenga Daniel ko nibi to n lo ninu egbe oselu PDP - Bayo Dayo

Onimo Ero Adebayo Adedayo ti so pe Otunba Gbenga Daniel to je oludije sipo alaga gbogboogbo fegbe oselu Peoples Democratic Party, PDP ko nibi kankan to n lo, nitori pe ni se lo n tan ara e je lasan ni. Adedayo so pe bi Gbenga Daniel ba gbe apoti kanselo ni woodu e ni Sagamu, ko le wole nitori awon wahala to ti da sibe. Bakan naa lo tun so pe ijoba etan nijoba Muhammadu Buhari, paapaa isejoba egbe oselu APC lorileede Naijiria. Okunrin naa soro yi lojo Abameta Satide to koja lo lakoko to n b'AWIKONKO soro nile e to wa niluu Ijebu Igbo. E kaa bi iforowero naa se lo.

Bayo Dayo
AWIKONKO: Oruko yin?
BAYO DAYO: Oruko mi ni Onimo Ero Adebayo Adedayo, ti mo je alaga egbe oselu PDP nipinle Ogun

AWIKONKO: A gbo pe awon kan ninu egbe oselu yin tun n pinu lati dibo min in labele lonii ojo Abameta Satide, ojo kerin osu kokanla (November 4, 2017), ki le ri si, ati pe igbese wo le fe e gbe labe ofin?

BAYO DAYO: Gbogbo egbe to ba je egbe nla bi egbe oselu PDP, a gbodo mo wi pe orisirisi awon eeyan lo maa wa nibe. Bi awon to da a se po ninu egbe wa naa ni awon to ku die kaato naa wa. Sugbon leyin ti a se ipade apapo to gbe wa wole la ti n gbo awuyewuye won, a si lo sile ejo, ile ejo si so pe awa gan an la ni eto lati je agbateru egbe wa, lati woodu titi de ijoba ibile ati ijoba ipinle. Nigba ti kootu ti soro yi jade, ti ko si tii si ile ejo to gbe idajo naa ti segbe kan, ko si nkan tenimeni tun le se, bi ko se pe ki awa naa si maa tesiwaju gege bii ojulowo agbateru egbe naa. Gbogbo awon to sa lo sodo Makarfi ni won so pe oun lo ye ko wa nibe, a si ba won gba a be pe oun ni oga gbogbo wa, lati din wahala ku, sugbon ibi yi won n ba oro lo yii, won fe e ba egbe je ni. Ti Makarfi ba je eni to mo bi won se n to egbe, o ye ko pe otun ati osi lati beere ona ti a fe e gbe e gba lati pana wahala to n sele, sugbon Makarfi gan an funra e ko figba kan gbe apoti, iran lo wa a wo ni Port Harcourt tawon Ayodele Fayose si rii nibe, ti won pe e pe ko wa maa se olori egbe lo. Sugbon gbogbo agbateru e to n se lo maa dopin lojo kesan an osu kejila ti a ba lo sibi ipade gbogboogbo nitori pe osu merin pere ni won fun in tele ki won to o sun siwaju di osu to m bo, iyen Disemba. A si ba a gbadura pe ki Olorun ka ise rere mon on lowo.


AWIKONKO: Abewo Makarfi siluu Abeokuta, ki le ro pe o le je abajade abewo to fe wa a se na?

BAYO DAYO: Emi o rii gbo pe Makarfi n bo niluu Abeokuta nitori pe gege bi ilana se so, ti olori ba n lo sibi kan, o gbodo fi to awon ara agbegbe naa leti lati maa mura sile. Sugbon eni to m bo lati ilu Abuja wa silu Abeokuta, o gbodo so fun alaga ipinle naa pe oun n bo lakoko bayii, won a si se eto ayeye bi won se maa pade e, sugbon eyi ti Makarfi n se ko ye enikan nitori pe o ti wa si odo Baba wa Olusegun Obasanjo ti a si se ayeye bi a se maa pade e, ti gbogbo awon omo egbe si ti loo duro sile ise wa, ti a ko si rii. Eyi ti won tun so pe o n bo yii, mi o mo nkankan nipa e, sugbon a ba awon to n bo wa ki ku oriire.


AWIKONKO: Pelu bi Otunba Gbenga Daniel se n lo kaakiri wi pe oun fe e di alaga egbe lapapo, nje e ro pe o le jawe olubori pelu wahala to wa ninu egbe oselu PDP nipinle Ogun to ti fe e jade?

BAYO DAYO: To ba je pe lotito ni Otunba Gbenga Daniel fe e se alaga egbe oselu nla bii ti PDP lorileeede Naijiria, o gbodo koko tun ile se naa, ko too so pe oun fe e bo si gbangba. Ti Gbenga Daniel ba gbe apoti kanselo lowo to wa yii, ko le wole ni Sagamu nitori gbogbo awon asemase to ti se seyin, ko too tun wa so pe oun fee lo se alaga egbe lapapo, o n tan ara e je ni, nitori pe o n lo sile ejo lojo Monde to n bo yi l'Abeokuta lori esun ole jija ti ajo EFCC fi kan an. Eni ti ko tii yanju ara e nile ati nile ejo, to je pe oun gan an leni to n da ile ru nitori pe oun ni olori wa nipinle Ogun nigba to m se gomina. O ku die ko pari saa isejoba e lo so pe oun ri nnkan to bi oun ninu, to si lo da egbe oselu min in sile, iyen PPN. Igba to tun rii pe egbe naa ko larinrin to bo se fe, o tun lo darapo mo egbe oselu Labour. Osu kewaa odun 2014 lo tun pada wa sinu egbe oselu PDP. Ni bayii, o sese pe odun meta ninu egbe oselu PDP ni. Ojo to ti kuro ninu egbe lo ti padanu ipo agba e. O sese tun bere sii to ara e pada gege bi omo egbe tuntun ni. Emi gangan ni mo loo gba waiver fun nitori eni ti ko ba tii pe odun meji ninu egbe ko le gbe apoti, emi ni mo ko rekomendason (recommendation) leta lo siluu Abuja nitori oun ati Adebutu lati le gbe apoti. Apoti naa ni won gbe, to so Adebutu di Onarebu, apoti naa ni Dani fee gbe, to gba foonu seneto, sugbon ti ko seese fun un, to je pe Buruji Kasamu lo gba ipo naa mo lowo. Ipo ti Kasamu gba mo Daniel lowo titi di onii lo m bi Daniel ninu. Gbenga Daniel ko nibi to n lo, ere lasan lo n se. Oun funra e mo pe oun ko le wole. Egbe oselu PDP nipinle Ogun ko fowo si Gbenga Daniel lati di alaga lapapo. A ni awon to je pe won ni oruko,  ti won ni ipo, ti won si tun ti se daadaa seyin ninu egbe. A o si le firu awon to loruko, ti won ko si tun ni abawon sile, ka wa so pe iru eeyan bii Gbenga Daniel la fe loo mu.

AWIKONKO: Ninu gbogbo awon to jade lati dupo alaga egbe oselu PDP lapapo, ta ni e lero wi pe o le se e ti enu awon omo egbe yoo fi ko?

BAYO DAYO: Iyen soro lati dahun, nitori pe bi enikan ba so pe oun mo igbeyin oro, aje ni won maa pe iru eni bee. Mi o mo igbeyin nkan to le sele lohun, sugbon mo mo pe Olorun nikan lo le so eni to maa jawe olubori. Lara awon ti enu si n kun labele wi pe won le se e; eni akoko ni Ojogbon Adeniran, eni ti gbogbo wa gba wi pe oun ni olori wa. Nigba ti awon bii baba wa Bola Ige so pe awon ko se PDP mo, Adeniran leni naa to gbogbo eeyan n lo sodo e niluu Ibadan. Ile e lawon agbaagba ti lo n se ipade ko too di pe PDP fese mule ni gbogbo ile Yoruba. Nitori e la se mo pe Adeniran ye, o si to lati se e.

AWIKONKO: Ni nnkan bi osu meloo kan seyin ni egbe oselu PDP nile Yoruba so pe awon da Buruji Kasamu duro nipinle Ogun, gege bi alaga, nje ase naa fese rinle bii?

BAYO DAYO: Mi o gbo nkan to jo be nitori pe eni to ba maa da Seneto to si wa lori ipo duro, a fi ti won ba so nile igbimo asofin egbe naa. Abuja ni won le ti so nkan to jo be, ti won ko si so be. Looto ni won n so pe won maa fiya je e, sugbon won ko se nkan sii, oro enu lasan ni. Eni kan soso to n na owo apoti e lati fi ko egbe naa jo, ko ma si le parun, Buruji Kasamu leni naa. Bi Gbenga Daniel se maa gba gbogbo owo egbe PDP, to maa ko sapo lo n wa, iru awon bii Gbenga Daniel ko le na owo egbe. Ti won ba fe ki egbe PDP parun nipinle Ogun, ki won so fun Seneto Buruji Kasamu kuro ninu egbe. Awon egbe to n fe ti Buruji Kasamu po repete wi pe ko kuro ninu egbe PDP, to ba si fi le kuro, egbe naa maa ku patapata ni. Gbogbo owo ti a so pe a n na ninu egbe PDP, ko seni meji to n lowo sile lo bi ko se Kasamu, lati woodu, titi de ijoba ibile ati ijoba ipinle, oun nikan leni to gbe egbe yi duro nipinle Ogun.

AWIKONKO: Ipade gbogboogbo egbe PDP to n bo lai pe yi niluu Abuja, nje e setan lati yoju sibe?

BAYO DAYO: Awa ni ijoba, awa si ni ojulowo omo egbe ti orin ijoba fowo sii, awa naa la si maa wa nibe. Gbogbo awon omo egbe to ye ko lo lati ijoba ibile, woodu ati nipinle lo n lo patapata.

AWIKONKO: Gbogbo egbe oselu ni won ti n gbaradi fun idibo odun 2019, bo tile je pe ko si egbe oselu ti ko ni wahala ti won labele. Nje egbe PDP ti gbaradi fun eto idibo to n bo naa?

BAYO DAYO: Egbe oselu PDP gan an lo gbaradi pupo ju fun idibo 2019, lara igbaradi naa ni awon wahala te n ri to n sele yii nitori pe onikaluku lo maa polongo ara e pe oun da a, sugbon egbe PDP nikan soso ni a mo to wa lorileeede Naijiria niisinyi, ti enikeni le maa soro e ti a ba n soro egbe, nitori awon eeyan ti won lawon maa senji gbogbo nkan to wa Naijiria ti senji kuro nibi to da a si buruku. Awon eeyan si ti fee senji pada sinu nnkan to da a bayii nitori ko seni to fe nkan buruku. Gbogbo nnkan to n lo ni Naijiria bayii la ti rii pe kii se nkan to lo daadaa. Awon to wa nibi ijoba niisinyi ni won ko mo bi won se n se ijoba. Won ni won n mu awon to n kowo je, awon funra won, ogbologbo ninu owo ki ko je, gbogbo eeyan lo n so, ti won n be PDP wi pe ki won pada. Won ni ka pada di okan soso. Nkan tawon eeyan fe ni pe ka pada sipo. Lagbara Olorun, PDP lo maa pada gba ijoba lodun 2019.

AWIKONKO: Lai pe yi, won ni ipinle wa lara awon ti IGR won lo soke, nje Amosun se daadaa lori eyi?

BAYO DAYO: Ona meji lo pin si, ka kan maa ka nkan ninu iwe wi pe owo to n wole po jaburata, ko ma si wole, ko je pe iro nla (propaganda) la fi n se, ona kan niyen. Ona keji ni pe ki owo wole, sugbon ka ma naa sona kan. Bawo la se maa je awon tisa lowo, iyen owo ti won n yo ni won ko le da pada. O ti pe osu mokanlelogun ti won ti n yo owo tisa, ti Amosun ko le da pada. Gbogbo ise to ye kijoba ibile se ni won ko le se, nitori pe awon gan an ni won nise to po ju lati se. Eni to so pe biriji loun fe e fi gbogbo owo to n wole nipinle Ogun se, to tun wo ile onile. Ase pati lo n tun n se opo ninu awon ise naa. Orisi meji ni Oba to wa; Oba to n so egan di erufu, Oba to so erufu degan. Sugbon oba to n so egan derufu ni Amosun, oba to n so ilu di igbe ni Amosun. Ijoba e ko tu awon eeyan lara, bee nijoba Buhari ko tu awon omi Naijiria lara. Awon araalu naa si mo, ti won si n so pe awon fe e ki PDP pada, ti a si maa pada.

AWIKONKO: Abiodun Akinlade, omo egbe oselu yin, igba to ya, o salo sinu egbe oselu ACN, o tun ya o tun pada si PDP, niisinyi, APC lo wa bayii, to si n leri pe oun yoo ko gbogbo omo ile igbimo asofin lo sinu egbe APC naa. Ki le ri sii??

BAYO DAYO: Gbogbo naa la n gbo, ko si egbe oselu kan ti Akinlade ko tii se ri. Ti igba ti won ba n ja di ipo bayii ba n bo, ni Akinlade maa n lo lati ibi kan sibi kan. O ti so fun Ibikunle Amosun wi pe oun maa ko gbogbo awon omo ile igbimo asofin lo sinu egbe APC. A si mo pe ko le ri awon tegbe PDP ko lo, bo tile je pe o ti mu enikan lo sodo Ibikunle Amosun pe ko se daadaa fun un, to si maa ko awon to ku pe won n bo lodo e, sugbon ti a mo pe ko seni to n tele e lo sodo Amosun. Opolopo ninu awon omo wa ni won n ro pe ti Amosun ba fun Akinlade ni tikeeti Gomina, awon maa tele e, emi si mo pe Akinlade ko le ri tikeeti Gomina gba. E je ki Ibikunle Amosun mu tikeeti Gomina le Akinlade lowo naa, igba yen la sese maa mo ibi to n lo atibi ti ko nii lo, nitori gbogbo eeyan lo  fe se ore Gomina. Ibi ti oro si wa bayii ni pe ki won si fun ni tikeeti.


AWIKONKO: Ti a ba ni ka woo, o fe e je pe egbe oselu yin nikan ni won maa n gbe ara won lo sile ejo laarin awon egbe oselu to ku nipinle Ogun, igba wo gan an lo fe e dopin?

BAYO DAYO: Mo fe e fi da gbogbo omo Naijiria loju wi pe ile ejo lo n gba gbogbo omo mekunu sile lowo awon aninilara. Eni to ba si mo eto e labe ofin lo n lo sile ejo, nnkan to dara niyen. Igba meloo le ti wa sileese wa, ti e ri wa ti a ko ada ati ibon? Ko si gbogbo iyen, nitori pe nnkan ti ko je kiru nkan bee maa waye ni pe ile ejo lo n ti wa leyin. Ibikibi ti won ba ti n gbe ibon ati ada, e ko le ri mi nibe, sugbon to ba di oro ile ejo, bo je ile ejo mewaa ni leekan soso, mo setan lati lo sibe, ju wi pe ki n lo maa yo ada ati ibon. Ko tii seni to si mo nkan to n bo ninu egbe oselu APC, Olorun lo mo rogbodiyan to si n bo laarin won, sugbon iru e ko le sele lodo ti wa, nitori pe ile ejo lo n pari oro wa. Ibi ti won ba si so o sii, ibe lo maa duro sii. Eni to ba wa so pe ori oun gbe iso, wi pe oun ko ni tele ase ile ejo, kiru eni bee lo maa roko oba sile ni, nitori ewon niru eni bee maa gbeyin sii. Ile ejo te wa lorun ninu egbe PDP ju ka maa ko ada ati ibon kaakiri lo. Ile ejo la nigbagbo ninu e, nitori pe ile ejo lo gbe Makarfi de ipo to wa lonii. Ti Makarfi ko ba lo ile ejo (Supreme) to ga julo, ko le di alaga egbe lai lai. Ki si ona abayo min in ju ile ejo naa nitori pe ile ejo lo mo bi won se n to nkan.

AWIKONKO: E sapejuwe isejoba Aare Muhammadu Buhari ati ijoba APC lati bii odun meji aabo seyin.

BAYO DAYO: Ijoba ti gbogbo eeyan lero wi pe awon nigbekele ninu won, ti won si maa se daadaa ni, sugbon bi ojo se n gun ori ojo, ti osu n gun ori osu, a ti rii wi pe ko si nkankan ninu ijoba yii. Nigba ti olori ogun ba ti sina, ki lo ku tawon omo ogun tun fe e se? Nigba ti ara oga won ko ya fun igba to pe, onikaluku won lo be sita, won si bere sii se nkan to wu won, lara nnkan to wi won ti won n se lawon nkan ta n ri bayii. Gbogbo won la n gbo pe o n kowo je. Enikan ti e gbe ise bilionu marundinlogbon (25bilion) jade lai je pe ijoba mo si, ti enikeni ko si gbo si. A si ti ri ijoba yi gege bi ijoba to le si wa lokan, eni to si wi won ni won n fi sipo. Won mu omobinrin kan wi pe won fe e fi se igbakeji gomina ile ifowopamo agba (Central Bank), kin ni iriri omobinrin yii ni eka eto owo (Banking), sugbon won fe e lo lati le eni to wa nibe kuro, ki won si fi ropo e. Awa Naijiria, a fi ki a ma sun asunpara nitori nkan to le se wa lese ni. Ti a ba sun asunpara, Olorun nikan lo le so nnkan to ma a sele. Nkan tawon to sunmo Buhari niluu Abuja n gbero lowo yii, ko le so eso rere fun gbogbo omo Naijiria ni. Gbogbo awon to wa nipo giga, eya Hausa nikan ni won ko sibe. Won ti ni ipinu ti won fe e se. Hausa lomobinrin ti won fee fi sile ifowopamo yii, Hausa ti se ri, Yoruba ti se ri, Ibo naa ti se rii, sugbon ki lo de to je pe Hausa nikan ninwon doju ko ile ifowopamo to je ti gbogbo Naijiria. Gbogbo wa la ni eto sii, sugbon kii se pe ki e lo mu eni ti ko kaju e lati se e sibe, eyi lo ya emi lenu o. Ipinu Buhari kii se ipinu to dara rara. Ipinu buruku ni fun gbogbo omo Naijiria o. Eni to ba sun, ko ma tilekun nitori pe Olorun nikan ki mo nkan to n bo, Olorun a si gba ki nkan rere wa si Naijiria.


AWIKONKO: Amoran yin lapapo?

BAYO DAYO: Amoran min fun gbogbo omo Naijiria, paapaa awon omo egbe oselu PDP patapata, ki won je ki a ni asepo to dan monran nitori pe nkan to le je ka se aseyori niyen. Mo be gbogbo omo egbe PDP kaakiri Naijiria pe ki won je ka se asepo pelu isokan. Gbogbo nkan ti a n so yi naa, awon odo la n se fun un nitori OE awon ni won ni ojo ola, meloo niru awa yi le se nibe?, ki a ba awon odo se e sile ko le da a ni. Mo be gbogbo awon to n ka oro mi yi loruko Olorun, ki won je ki a se asepo to dan monran ninu egbe PDP nipinle Ogun ati lorileeede yii, ki ojo ola awon odo wa le dara. Olorun oga ogo a  si gba fun wa.

No comments:

Post a Comment

PIN-IN KAAKIRI