Fijilante Bere Idanilekoo Olojo Merin Fawon Osise Kaakiri Naijiria - IROYIN AWIKONKO

YAJO-YAJO

Friday, March 16, 2018

Fijilante Bere Idanilekoo Olojo Merin Fawon Osise Kaakiri Naijiria

Lati le dawo iwa odaran duro kaakiri orileede yi, paapaa nipinle Ogun, ajo ojulalakanfinsori, iyen fijilante ijoba apapo (Vigilante Group of Nigeria), VGN eka tipinle Ogun ti bere idanilekoo olojo merin fawon osise e kaakiri.

Idanilekoo naa to bere lonii ojo Fraide, ojo kerindinlogun osu keta odun 2018 lo bere pelu iforuko awon akopa sile ninu ogba ileese naa to wa ladugbo Kuforiji Olubi, Adigbe, Abeokuta.

Gege bi Oludari egbe Fijilante (VGN) nipinle Ogun, Ogbeni Olanrewaju Nureni Adedoyin se so, o so pe idanilekoo naa wa lati je kawon osise won mo awon ona tuntun tawon onise ibi n gba sise buruku won lawon awujo orileede Naijiria, ati lati wa ni imurasile fun bi won se n reti esi lati odo Aare orileede yi, Ogagun Muhammadu Buhari lati so egbe naa di ofin.

Adedoyin so pe ko to o di pe Aare Buhari bu owo lu iwe won to ti wa lori tabili e, leyin tawon omo ile igbimo asofin mejeeji ti bu owo luu, dandan ni kawon wa ni imurasile lati mo ise ti won gba, ki eto aabo to pe ye le wa laarin ilu.

O je ko di mi mo pe kii se pe egbe naa lo mon on mo gbe idanilekoo olojo merin naa kale, bi ko se pe igbimo to n ri soro olopaa nile igbimo asofin niluu Abuja, iyen Committee of Police Affairs pelu ajosepo ileese kan to pe ni Institute of Corporate Security and Intelligence Limited lo gbe eto naa kale nibi tawon agbaagba leka eto aabo yoo ti wa a dawon omo egbe won lekoo.

Olanrewaju tun so pe kii se idanilekoo akoko tawon yoo se ni yii, sugbon ona ti idanilekoo yi gba waye yoo yato si eyi tawon ti n se tele, latari awon to gbe e kale, ti kii se pe egbe won lo deedee ronu nipa e, nitori pe lore-koore lawon maa n se e.

Bee lo fokan awon araalu bale pe ki won ma reti abajade to se e fokan tan leyin tawon ba pari idanilekoo na, nitori pe emi ati dukia awon araalu lo je VGN logun, ti won si gbodo mu eto aabo lokunkundun.

Bakan naa lo gba awon omo egbe naa lamoran pe ki won rii daju pe won foju, feti si gbogbo nkan ti won ba ko won nibi idanilekoo naa, ki won si muu lo. O tun je ki won mo pe ko seni to koja ofin, nitori naa, ki won ma se ri aso egbe naa gege bii pe ko seni to le mu won bi won ba wo o.

No comments:

Post a Comment

PIN-IN KAAKIRI