Adajo ju Emmanuel sewon ojo kan

Se loro naa da bi awada ni ile ejo Majisireeti to fikale sagbegbe Isabo niluu Abeokuta lojo Fraide to koja nigba ti adajo ju gendekunrin omo Ibo kan, Emmanuel Blessing sewon ojo kan gbako pelu esun ti won fi kan an pe o yoju wo Arabinrin Dolapo Akinfenwa ti won jo n gbe ni baluwe.

Kii se adajo naa, iyen onidajo S. A. Soneye mon on mo ni ki Emmanuel loo sewon ojo kan, bi ko se pe ai ri owo itanran, egberun lona ogorun (100,000) naira san lo fa a.

Gege ba a se gbo, ojo kokanlelogun osu yo koja yi ni won ni Emmanuel to n gbe lojule kerinla, adugbo Nepa Road loo silekun mo Dolapa lori nibi to ti n we, nitori to so pe oun loun koko gbe omi si baluwe naa lati we, sugbon to ni Dolapo loo gbe e kuro.

Nigba ti Emmanuel n rojo niwaju adajo, o so pe kii se pe oun mon on mo silekun baluwe naa mo Dolapo lori, o ni oun kan ni koun gba ikekun to je paanu ni won fi se e naa, to si si leekan naa.

O loun loun koko gbe omi wonu baluwe naa lati we, sugbon oun gbagbe nkan sinu yara, nnkan naa loun pada loo mu, to fi je pe nigba toun maa pada de baluwe, iyalenu lo je foun pe Dolapo ti gben omi oun jade, to si ti n we.

Okunrin Emmanuel naa so pe kii se pe oun fe e fipa ba Dolapo to ti n fe kawon mejeeji maa fe ara won tele, sugbon toun ko gba fun nitori toun ti niyawo ati omo meji naa sun, ntiroi pe awon mejeeji lawon jo wa nile.

Gbogbo oro ti Emmanuel so kale ni yii ti adajo A. S. Soneye fi pase pe ki Emmanuel san owo itanran egberun lona ogorun naira pelu oniduro kan to se e fokan tan, sugbon si iyalenu, se ni Emmanuel so pe oun ko lowo lowo, toun ko si ni eni to maa duro foun.

Eyi lo faa ti adajo naa fi so pe ki Emmanuel loo sun oorun ojo kan gbako ni ogba ewon to wa ni Ibara, ko si towo bo iwe adehun lojo keji pe oun ko nii huwa to le da wahala sile laarin ilu mo.