WON FE E LE KABIYESI ILU ODABA-OKO DANU - IROYIN AWIKONKO

YAJO-YAJO

Wednesday, August 22, 2018

WON FE E LE KABIYESI ILU ODABA-OKO DANU


Kii se pe won sese bere wahala naa, o ti le lodun die seyin ti won ti wa lenu e sugbon o dabi pe akoko yii ni won fee yanju gbogbo e patapata, ti won si fe e fo oro naa loju yanna-yanna.

Oloye Gbadamosi
Awon araalu Apena ti won wa ni Obada Oko nijoba ibile Ewekoro nipinle Ogun ni won ke si Olu Obada oko, Oba Olufemi Solaja pe ko tete fi ile awon sile ti ko ba fe wahala nitori pe alejo lawon babanla e je lodo awon.

Baale ilu Apena, Oloye Abiodun Gbadamosi so pe baba awon to n je Sangodiya-Koole lo te ilu Apena do, ati pe oja ni Oba oko.

O salaye pe lodun 1918 ni Oba Gbadebo akoko wa si oja si Obada. Oba wa da oja sile ni oko ni won so di Obada Oko to n je titi di  akooko yii.

O fi kun oro e pe lati gba ti won ti ni ki won maa f’oba je ni Obada Oko lawon ti wa lenu e, O ni Mufutau to koko je Oba, omo Igbore ni, tawon gbe e lo sile ejo, ti adajo si pase pe ko ma se pe ara e ni Oba mo.

Leyin igba naa lo so pe won tun gbe awon pada lo sile ejo sugbon tawon alagbara lo agbara le awon lori, ori oro naa lo so pe awon wa ti Oba naa fi ku.

Baale Apena tun so pe kaka ki won gbe ipo Oba naa fawon, alejo ni won tun fi j’oba iyen Oba Solaja ti won lo wa lati Erunbe niluu Abeokuta, idi niyi ti gbogbo omo ilu se fimosokan pe ki Oba naa kuro lori ile won.

O lawon ti ko leta si Alake tile Egba, Oba Adedotun Gbadebo, bee naa lawon ti ko iwe sileeese to n ri soro ijoba ibile ati oye jije nipinle Ogun ati Gomina Ibikunle Amosun lati tete ba won da sii, ko too pe ju.

O lawon eeyan Apena je ebi to nifee si alaafia nitori e lawon se gbe awon igbese tawon n gbe naa, yato si pe oro naa ti wa nile ejo bayii.

Ninu oro Alagba  Akingbade Jibowu to pe ara e ni okan lara awon olori ebi Oba to wa lori oye naa, o so pe loooto alejo lawon ni Obada, o ni Erunbe ni Abeokuta lawon ti se wa, o ni Apena lo ye ko ma a joba ni Obada Oko.

Sugbon Olu Obada ti so pe ko soro ninu gbogbo nnkan ti won so ati pe won kan fee daluru ni. O ni awon ajagungbale lawon to fee da wahala sile niluu.

PIN-IN KAAKIRI