NITORI OKUTA TI WỌN SỌ LU BUHARI, WỌN YỌ KỌMIṢANA ỌLỌPAA IPINLẸ OGUN DANU - IROYIN AWIKONKO

IROYIN YAJO-YAJO

AJỌ DAWN

AJỌ DAWN

Wednesday, February 13, 2019

NITORI OKUTA TI WỌN SỌ LU BUHARI, WỌN YỌ KỌMIṢANA ỌLỌPAA IPINLẸ OGUN DANU


Bọsun Ọlaniyi, Abeokuta

Ojiji ni yiyọ ti wọn yọ Kọmiṣana ọlọpaa ipinlẹ Ogun, Ahmed Iliyasu jẹ, pẹlu bi wọn loo ṣe gbabọdi lọjọ ti Aarẹ Muhammadu Buhari ṣe ipolongo idibo ipada sipo Aarẹ ẹlẹkeji rẹ wa siluu Abẹokuta lọjọ Mọnde to kọja yi.

Bo tilẹ jẹ pe gbogbo akitiyan lati ba Ọgbẹni Abimbọla Oyeyẹmi sọrọ titi dasiko ta a kọ iroyin yi tan, lati le fidi ọrọ naa mulẹ fun wa, ṣugbọn iroyin naa ti tan kaakiri igboro pe ibinu ni wọn fi yọ iliyasu danu, pẹlu bi wọn loo ṣe gbabọdi lọjọ ipolongo Buhari naa.
Kii ṣe iroyin tuntun mọ pe wahala nla lo ṣẹlẹ lọjọ Mọnde to kọja yi niluu Abẹokuta lasiko ipolongo APC, nibi tawọn tọọgi ti sọ okuta, bata ati oriṣiriṣi nnkan lu alaga ẹgbẹ oṣelu APC, Kọmureedi Adams Ọshiọmọlẹ, Aarẹ Muhammadu Buhari atawọn agbaagba ẹgbẹ oṣelu APC, ko too di pe wọn fibinu kuro lọjọ naa.

Ohun ta a gbọ ni pe awọn ọmọ ẹyin Dapọ Abiọdun ni wọn kọkọ da wahala naa silẹ nigba ti wọn ko gba awọn to n ṣe ti Gomina Amosun laaye lati wọle sinu papa isere ti MKO Abiọla ti eto ipolongo naa ti waye.

Bakan naa la tun gbọ pe ko pe ti Gomina Amosun rawọ ẹbẹ si wọn pe ki wọn gba wọn laaye lati wọle la gbọ pe wahala naa bẹrẹ, nigba tawọn to n ṣe ti adije sipo gomina labẹ ẹgbẹ oṣelu APM, Ọnarebu Adekunle Akinlade naa bẹrẹ sii le awọn ọmọ ẹyin Dapọ Abiọdun jade.

Eyi ti wọn loo ya awọn eeyan lẹnu ni bawọn ọlọpaa ko ṣe ri nnkankan ṣe si wahala naa, ti wọn si gba awọn tọọgi laaye lati sọ okuta fun Aarẹ Buhari atawọn agbaagba ẹgbẹ oṣelu APC.

AWIKONKO gbọ pe Ọgbẹni Gbenga Adeyanju ni Kọmiṣana tuntun ti wọn fi rọpo Ahmed Iliyasu lati ṣakoso eto aabo ipinlẹ naa, paapaa fun idibo to n bọ lọna yi.

Ninu iwadii ti AWIKONKO ṣe la ti gbọ pe bi idibo to n bọ lọna yi ko ba lọ bo ṣe yẹ, iyẹn ni pe bi eto aabo awọn ọlọpaa ko ba daju, o ṣee ṣe ki wọn tun gbe Kọmiṣana tuntun naa kuro, ki idibo gomina too waye nipinlẹ naa.

PIN-IN KAAKIRI