ỌRỌ PESIJẸ: MAY 29 KU ỌJỌ MẸRIN, AJỌ INEC BA TI APC JẸ PATAPATA NI ZAMFARA - IROYIN AWIKONKO

YAJO-YAJO

Saturday, May 25, 2019

ỌRỌ PESIJẸ: MAY 29 KU ỌJỌ MẸRIN, AJỌ INEC BA TI APC JẸ PATAPATA NI ZAMFARA

Alaga ajọ eleto idibo lorileede Naijiria, Ọjọgbọn Yakubu Mahmood ti kede sita pe oludije sipo gomina labẹ asia ẹgbẹ oṣelu PDP, Bello Matawalle lo jawe olubori nibi eto idibo to kọja lọ.

Ọsan onii Satide ni Ọjọgbọn Mahmood fidi ẹ mulẹ nibi ipade to ṣe pẹlu awọn oniroyin niluu Abuja. Bẹẹ lo tun sọ pe gbogbo awon oludije patapata ninu ẹgbẹ oṣelu PDP lo tun jawe olubori lawọn ipo oṣelu to ku kaakiri ipinlẹ naa.

Mahmood jẹ ko di mimọ pe kikede naa lọ nibamu pẹlu bi ile ẹjọ giga patapata lorileede yi, Supreme Court ṣe paṣẹ pe ki wọn fagile ẹgbẹ oṣelu APC latari eto idibo abẹle ti wọn ko ṣe e.

O ni ẹgbẹ naa ko ṣe idibo abẹle rara ko too di pe wọn kopa ninu idibo apapọ laipẹ yi. Eyi lo mu ki wọn fagile gbogbo ibo APC nipinlẹ naa.

Bi ẹ ṣe n ka iroyin yi, gbogbo awọn oludije patapata lẹgbẹ oṣelu PDP nipinlẹ Zamfara ni wọn ti n kọrin ọpẹ kaakiri ipinle naa.

No comments:

Post a Comment

PIN-IN KAAKIRI