WAHALA N BỌ O: ẸGBẸ IGBIMỌ ỌDỌ YORUBA L’AGBAYE LAWỌN FUN AWỌN FULANI L’ỌJỌ MEJE LATI KURO NILẸ WỌN - IROYIN AWIKONKO

YAJO-YAJO

Friday, May 24, 2019

WAHALA N BỌ O: ẸGBẸ IGBIMỌ ỌDỌ YORUBA L’AGBAYE LAWỌN FUN AWỌN FULANI L’ỌJỌ MEJE LATI KURO NILẸ WỌN

Pẹlu bi nnkan ṣe n lọ yi, afaimọ ki oogun abẹle min in ma tun pada bẹ silẹ lẹẹkeji lorileede Naijiria, iyẹni bi ijọba Muhammadu Bauhari ko ba tete gbe igbesẹ lati kapa awọn Fulani ti wọn fẹsun kan pe wọn ji awọn eeyan gbe kaakiri ilẹ Yoruba, ti wọn si n pa wọn danu bi wọn ko ba tete ri owo gba lọwọ wọn.

Ẹgbẹ Igbimọ ọdọ Yoruba kaakiri agbaye, iyẹn Yoruba Council of Youths Worldwide ṣe ti paṣẹ pe awọn ko fẹẹ ri Fulani darandaran kankan to kere ju nilẹ wọn laarin ọjọ meje si asiko ta a wa yi, bẹrẹ lati ana ti i ṣe ọjọ kẹtalelogun oṣu karun.

Gẹgẹ bi atẹjade ti Aarẹ ẹgbẹ naa, Arẹmọ Oladtun Hassan gbe jade sita, eyi ti ẹda ẹ tẹ AWIKONKO lọwọ lo ti jẹ ko di mimọ pe awọn ti gbe eto kan kalẹ, tawọn pe ni Eto F’ỌLUMỌ, iyẹn "Operation Sweep Clean”, eyi to lawọn fẹẹ fi fọ ilẹ Yoruba mọ kuro lọwọ awọn Fulani to n fojoojumọ da wọn laamu.

A gbọ pe ki i ṣe ẹgbẹ igbimọ ọdọ ile Yoruba nikan ni wọn gbe eto yi kalẹ, wọn ni pẹlu ajọṣepọ awọn ọdọ patapata nilẹ Yoruba, to fi mọ awọn akẹkọọ kaakiri orileede Naijiria ati agbegbe ẹ lawọn panupọ, lati jẹ ki ofin orileede yi fẹsẹ mulẹ, lati daabo bo ẹmi ati dukia awọn araalu.

Arẹmọ Oludọtun Hassan ninu atẹjade naa fi ye wa pe lẹyin ipade tawọn ṣe lọjọ Tọside ana ni wọn ti bu ẹnu atẹ lu awọn iwa buruku tawọn Fulani darandaran atawoọn Boko-Haraamu n hu, eyi ti wọn ji awọn eeyan gbe bo sẹ wu wọn, ti wọn si ti fẹẹ gba ilẹ mọ wọn lọwọ.

O wa jẹ ko di mi mọ pe bawọn ọdaran naa ko ba tete kuro lori ile wọn, iyẹn lawọn inu igbo ti wọn n sapamọ sii ko too to ọgbọ ọjọ oṣu yi, iyẹn ọjọ Tuside to n bọ, gbogbo ẹ lawọn yoo tu, tawọn yoo si doju ika kọ wọn gidigidi.

No comments:

Post a Comment

PIN-IN KAAKIRI