EYI L'AWỌN GBAJUMỌ OṢERE TIATA YORUBA TI WỌN BI IBEJI - IROYIN AWIKONKO

YAJO-YAJO

Sunday, June 14, 2020

EYI L'AWỌN GBAJUMỌ OṢERE TIATA YORUBA TI WỌN BI IBEJI

BBC Yorùbá ṣe àkójọpọ̀ àwọn òṣèré tíátà Yorùbá márùn-ún tó bí ìbejì.

Ipo pataki ni Yoruba to ibeji si ninu awọn ọmọ nitori orisa ni wọn ka wọn si, ti wọn si maa n gbe wọn larugẹ.

Koda oniruuru oriki lo wa fun awọn ibeji nilẹ Yoruba, wọn a pe wọn ni Ejirẹ eyilaki, ẹdunjọbi agbe ori igi reterete, ọkan ni n ba bi, eyi lo wọle tọ mi, wini-wini loju orogun, eji wọwọ loju iya rẹ.

Ohun ayọ ati idunnu lo maa n jẹ ti idile kan ba bi ibeji, ti gbogbo ẹbi yoo si maa du wọn gbe lọtun losi.

Bẹẹ si ni ọrọ ri lagbo awọn oṣere tiata naa, idi si ree ti BBC Yoruba fi ṣa awọn oṣere tiata to bi ibeji sọtọ, lati fi to yin leti.

Awọn oṣere tiata to bi ibeji:

Femi Adebayo:
Gbajumọ oṣere tiata lede Yoruba ni Femi Adebayo, ọwọ baba rẹ, Adebayo Salami taa mọ si Ọga Bello, si lo ti jogun iṣẹ ere ṣíṣe.

Igba meji ni Femi ti ṣe igbeyawo, iyawo akọkọ rẹ, ti wọn ti kọ ara wọn silẹ Khadijat, si lo bi ibeji naa fun, pẹlu ọmọdebìnrin kan miran, ti wọn fi jẹ ọmọ mẹta ti obìnrin naa bi.

Orukọ awọn ibeji Femi Adebayo ni Fadlullah ati Fadlulrahman Adebayo, awọn mejeeji jọ ara wọn bii imumu, ti wọn si rẹwa ni ọmọkunrin.

Funke Akindele (Jenifa):
IbejiIlumọọka oṣere tiata miran to tun bi ibeji ni Funke Akindele, ọkọ rẹ keji, Abddulrasheed Bello ti ọpọ eeyan mọ si JJC Skillz, lo si bi awọn ọmọ naa fun.

Osu Kejila ọdun 2018 ni Funke, ti ọpọ eeyan mọ si Jenifa, bi awọn ibeji naa, eyi to pa orukọ rẹ da si mama ibeji.

Taiwo Aromokun:
IbejiIbeji di iran lo yẹ ka maa pe gbajumọ oṣere tiata, Taiwo Aromokun nitori ibeji ni, to si tun bi ibeji ni igba meji ọtọọtọ.

Ọkùnrin meji ni awọn ibeji akọkọ ti Taiwo kọkọ bi, oṣu keje ọdun 2013 si lo bi awọn ìbejì naa fun ọkọ rẹ, Olayemi Abimbola, bi o tilẹ jẹ pe igbeyawo laarin tọkọtaya ọhun ti tuka.

Orúkọ awọn ibeji akọkọ naa ni Jade ati Jamine nigba ti Taiwo tun bi ibeji miran lọdun 2017, ọkùnrin kan ati obinrin kan si ni awọn ọmọ naa.

Muyiwa Ademola (Muyi Authentic):
IbejiOsere tiata, Olootu ati Oludari ere ni Muyiwa Ademola, ti ọpọ eeyan mọ si Muyi Authentic, ti iyawo rẹ, Omolara si bi ibeji fun.

Oṣu Keje ọdun 1997 ni Muyiwa bi awọn ibeji ọkùnrin meji naa,lasiko ti okiki rẹ ko tii tan ninu isẹ tiata, ti awọn ibeji ọhun si ti pe ọdún mẹtalelogun ni ọdun 2020.

Damola Olatunji:
IbejiDamola Olatunji ati iyawo rẹ Bukola Adeyemi, ti ọpọ eeyan mọ si Bukola Arugba, jẹ oṣere tiata to gbajugbaja, ti aye si n fẹ wọn.

Awọn mejeeji bi ibeji ni ọdun 2015 lẹyin ti igbeyawo akọkọ Damola fi ori sapọn ni ọdun 2014.

Ọkùnrin kan ati obinrin kan ni awọn ibeji naa, ti wọn jẹ akọbi awọn oṣere tiata mejeeji, ti awọn ọmọ naa ko si tii gba aburo di akoko yii.

Lati: BBC

No comments:

Post a Comment

PIN-IN KAAKIRI