ỌPẸ O! MAKINDE ṢI ṢỌỌṢI, MỌṢALAṢI ATI ILE-ẸKỌ PADA L'ỌYỌ PẸLU IKILỌ NLA - IROYIN AWIKONKO

YAJO-YAJO

Tuesday, June 16, 2020

ỌPẸ O! MAKINDE ṢI ṢỌỌṢI, MỌṢALAṢI ATI ILE-ẸKỌ PADA L'ỌYỌ PẸLU IKILỌ NLA


L'ọjọ Ajẹ, iyẹn Mọnde ana n'ijọba ipinlẹ Ọyọ paṣẹ pe ki awọn ileewe ati ile ijọsin kaakiri ipinlẹ naa ṣilẹkun wọn silẹ fun ijọsin, bẹrẹ lati ọjọ Aje-Mọnde, ọjọ kọkandinlọgbọn oṣu yii.

Igbimọ amuṣẹya ti ijọba ipinlẹ Ọyọ gbe kalẹ lori kikoju ajakalẹ arun koronafairọọsi lo kede igbesẹ ijọba ipinlẹ naa sita.

Ijọba ipinlẹ Ọyọ ni awọn akẹkọọ iwe kẹfa nile-ẸKỌ alakọọbẹrẹ (Primary Six), iwe kẹta ile-ẹkọ girama (JSS 3) ati kilasi aṣekagba nile-ẹkọ girama (SSS 3) nikan ni yoo wọle ikẹkọọ ni ọjọ naa ti wọn si gbọdọ maa tẹle awọn ilana ti igbimọ amuṣẹya naa ba fi silẹ.

Nigba to n sọrọ nipa t'awọn ile ijọsin, O ni awọn ile-ijọsin pẹlu le bẹrẹ sii ṣ'ilẹkun wọn silẹ fun ijọsin lati ọjọ Aje kan naa, ṣugbọn to ni ida kan ninu mẹrin awọn eeyan to n wa si ile-ijọsin naa tẹlẹ ni aye gba lati maa jọsin fun asiko yii.

Bẹẹ lo ni wọn ko gbọdọ ṣai tẹle ofin ati ilana igbimọ amuṣẹya naa.

No comments:

Post a Comment

PIN-IN KAAKIRI